სურსათის ეროვნულმა სააგენტომ 2018 წლის სურსათის მონიტორინგის შედეგები გამოაქვეყნა. სეს-ის ინფორმაციით, დარღვევები აღმოაჩინეს მარშეს პელმენში, ნიკორას კარტოფილის ვარენიკებში, თაღლაურას რესტორნის ლუდში, რამდენიმე სახის ლიმონათში, და სხვა სახის პროდუქციაში. კერძოდ:

  • მარშეს პილმენში მიკრობიოლოგიური დარღვევა აღმოჩნდა იმერეთში, ფუდმარტის მაღაზიასა და ბათუმში, გუდვილის მაღაზიაში აღებული სინჯებიდან;
  • შპს ნიკორა ტრეიდის წარმოებულ ვარენიკში დარღვევა აღმოჩნდა სამეგრელოსა და კახეთში აღებული სინჯებიდან;
  • პელმენში დარღვევა აღმოაჩინეს აჭარაში, შპს ეიჩდი ფუდის წარმოებულ პროდუქციაში აღებული სინჯიდან;
  • ბათუმში, ნაზილბეს მაღაზიში შპს კულინარის წარმოებულ კარტოფილის ვარენიკის სინჯში მიკრობიოლოგიური დარღვევა აღმოაჩინეს, ამავე მაღაზიში შპს პროგრესის წარმოებული ფქვილის სინჯში კი ცოცხალი მავნებელი;
  • სამეგრელოში შპს შხეფის წარმოებული ლიმონათის სინჯში საფუარა სოკო აღმოჩინეს;
  • თბილისში, დარღვევა აღმოჩნდა უალკოჰოლო გაზიანი სასმელ ცისნამში, რომელსაც შპს ტექნოპლასტი აწარმოებს;
  • დარღვევა აღმოჩნდა იმეთერში შპს სიახლის მიერ წარმოებული მსხლის ლიმონათის სინჯშიც;
  • აჭარაში, გურიაში და სამეგრელოში ნესვზე აღებულ რამდენიმე სინჯში ნიტრარტების რაოდენობა იყო მომატებული. ნიტრატები აღმოჩნდა რაჭასა და სამეგრელოში აღებული ბადრიჯანის სინჯებშიც;
  • მიკრობიუოლგიური დარღვევები აღმოჩნდა თაღლაურას თეთრ გაუფილტრავ ლუდში და შპს Georgian Beer-ის წარმოებულ ლუდ შუანოში;

სურსათის ეროვნული სააგენტოს ინფორმაციით, 2018 წელს, სახელმწიფო კონტროლის ფარგლებში, აკრედიტებულ ლაბორატორიაში 1 176 ნიმუშია გამოვლენილი. კვლევის შედეგის მიხედვით, 1 176 ნიმუშიდან დარღვევა გამოვლინდა 23 ნიმუშში, რაც საერთო რაოდენობის 2 პროცენტია.

წინა წლის მსგავსად ტყვიის გადაჭარბებული შემცველობა აღმოჩნდა სუნელების 8 და ნედლი რძის 15 ნიმუშში.

სურსათის ეროვნული სააგენტოს ინფორმაციით, მწარმოებლების ნაწილს სურსათის ბაზარზე განთავსება აუკრძალეს და უკვე განთავსებულის ბაზრიდან ამოღება მოითხოვეს.

შესწორება: მასალის თავდაპირველ ვარიანტში ეწერა, რომ კვლევა პროდუქციაში ტყვიის შემცველობის გამოსავლენად ჩატარდა, რაც დაზუსტების შემდეგ შეიცვალა.