ბელგიის ქალაქ ანტვერპენში ბანკის ძარცვის ბრალდებით ქართველი დააკავეს. მას სასამართლომ წინასწარი პატიმრობა შეუფარდა. ამის შესახებ ინფორმაცია The Washington Post-მა გაავრცელა.

ადგილობრივი ხელისუფლების ცნობით, 27 წლის საქართველოს მოქალაქემ ბანკში მიწისქვეშა გვირაბის საშუალებით შეაღწია, რომელიც მისი საცხოვრებელი სახლიდან საკანალიზაციო სისტემამდე გრძელდებოდა, მეორე გვირაბი კი საკანალიზაციო სისტემიდან ბანკს უკავშირდებოდა. ბელგიური მედიის ცნობით, სახლი რამდენიმე თვის წინ ორმა ძმამ დაიქირავა.

ანტვერპენის პროკურატურის განცხადებით, ბანკის ძარცვისა და კრიმინალური დაჯგუფების ჩამოყალიბების საქმის გამოძიება ისევ გრძელდება.