შინაგან საქმეთა სამინისტროს ინფორმაციით, თერჯოლის სამმართველოს თანამშრომლებმა თანასოფლელის სახლიდან ფულისა და ოქროს ნივთების ქურდობის ბრალდებით ერთი პირი დააკავეს. ქურდობა სოფელ ჭოგნარში მოხდა.

გამოძიების ინფორმაციით, დაკავებულმა მეზობლის სახლიდან 7 500 ევრო, 900 დოლარი და ოქროს სამკაულები მოიპარა.

საქმეზე გამოძიება საქართველოს სისხლის სამართლის კოდექსის 177-ე მუხლის მე-2 ნაწილის "ა" და მე-3 ნაწილის "ბ" ქვეპუნქტებით მიმდინარეობს. ამ მუხლით ოთხიდან შვიდ წლამდე პატიმრობაა გათვალისწინებული.

"დაკავებული ჩადენილ დანაშაულს აღიარებს", — აღნიშნულია შსს-ს განცხადებაში.

მათივე ინფორმაციით, დაკავებულმა თქვა, რომ კიდევ ერთი დანაშაული ჩაიდინა, თანასოფლელის სახლიდან 5 000 ლარი და ოქროს სამკაულები მოიპარა.