საქართველოს პრემიერმინისტრი, გიორგი კვირიკაშვილი ქორწინების განსზაღვრებასთან დაკავშირებით რეფერენდუმის ჩატარებაზე პრეზიდენტის მოსაზრებას არ იზიარებს. ის ამბობს, რომ ქართული ოცნება მთლიანად იზიარებს რეფერენდუმის ინიციატორთა სურვილს და დარწმუნებულია, რომ მომავალი მოწვევის პარლამენტი საქართველოს კონსტიტუციაში აღნიშნულ ცვლილებას შეიტანს:

"ეს პროცესი დაწყებულია და ბუნებრივია, როგორც კი დამთავრდება არჩევნები, ჩვენ აუცილებლად ამ საკონსტიტუციო ცვლილებას განვახორციელებთ და ეს ჩანაწერი აისახება საქართველოს კონსტიტუციაში. ამიტომ ჩვენ ამ ბრძანებულების კონტრასიგნებას მოვახდენთ. სამწუხაროდ, არსებულ პარლამენტში სხვადასხვა პოლიტიკური ძალების ბოიკოტისა თუ სხვადასხვა მიზეზების გამო ამ ცვლილების ბოლომდე მიყვანა ვერ მოხერხდა."

"გინდათ თუ არა, რომ ერთნაირ სქესიანთა ქორწინება დაშვებულ იქნას საქართველოში?“ - ასეთი ფორმულირება ჰქონდა სარეფერენდუმო კითხვას, რომელიც საინიციატივო ჯგუფმა პრეზიდენტს განსახილველად წარუდგინა.

გიორგი მარგველაშვილმა რეფერენდუმი არ დანიშნა, მიზეზად კი ოკუპირებული ტეროტორიები და რეფერენდუმის ჩატარების საფუძველის არარსებობა დაასახელა.