სახალხო დამცველი გმობს თელავში, სოციალისტური საქართველოს წვერების მიერ განხორციელებულ ძალადობრივ ქმედებებს და სიძულვილის ენის გამოყენებას. იგი მოუწოდებს სამართალდამცავ ორგანოებს თითოეულ ასეთ ფაქტზე მოახდინონ დროული რეაგირება და ძალადობრივი ქმედების სწორი სამართლებრივი კვალიფიკაცია.

ომბუდსმენის განცხადებაში წერია, რომ არჩევნების მოახლოებასთან ერთად მოსალოდნელია დაძაბულობის ზრდა:

"მოვუწოდებთ შინაგან საქმეთა სამინისტროს მაქსიმალურად უზრუნველყოს მსგავსი ძალადობრივი ქმედების პრევენცია და თითოეულ ფაქტზე მოახდინოს კანონით განსაზღვრული რეაგირება, რათა არ გაჩნდეს დაუსჯელობის განცდა.

ომბუდსმენი წერს, რომ მედია საშუალებების მიერ გავრცელებული ინფორმაციით აქციის ერთ-ერთმა ორგანიზატორმა რ. ქ.-ს შეკრებაზე დასწრების უფლება არ მისცა და საუბრის დროს, სახეში ხელი დაარტყა. სახალხო დამცველი ასევე აცხადებს რომ ინციდენტის მონაწილეები გამოირჩეოდნენ სიძულვილის ენითაც.

4 აგვისტოს ქალაქ თელავში, პარტია სოციალისტურ საქართველოს წევრები პარტიულ ყრილობას მართავდნენ თელავის სამუსიკო სასწავლებლის დარბაზში. სასაწავლებლის მიმდებარე ტერიტორიაზე საპირისპირო აქცია გამართეს ახალი პოლიტიკური ცენტრის გირჩის წარმოადგენლებმა, რასაც მოყვა დაპირისპირება.