რაფაელ ნადალი რომ პრესის წინაშე ყოველთვის თავმდაბალია, ახალი არ უნდა იყოს. ასეთივე თავმდაბლური განცხადება გააკეთა მან მისი და ჯოკოვიჩის დაპირისპირებაზე მას შემდეგ, რაც იგი სერბმა ჩოგბურთელმა უიმბლდონზე დაამარცხა.

"ამის (ამ დაპირისპირების) გაანალიზება არ შემიძლია, რადგან მისი ნაწილი ვარ. წარმოიდგინეთ, აქ რომ მოვიდე და ვთქვა, რომ ეს ჩოგბურთისთვის უდიდესი მოვლენაა. ცოტა ქედმაღლური ფრაზა იქნებოდა, არა?"

"შეიძლება ზოგი ფიქრობს, რომ ბრწყინვალე დაპირისპირებაა, ზოგისთვის კი სულაც საშინელება. ჩემთვის ეს მუდმივად ერთი და იგივეა: კონკურენტად გყავდეს ბრწყინვალე მოთამაშეები, რომლებიც წინსვლაში გეხმარებიან", - განაცხადა ნადალმა.

ნადალსა და ჯოკოვიჩს ერთმანეთის წინააღმდეგ 52 შეხვედრა აქვთ ჩატარებული, საიდანაც 27 ჯოკოვიჩმა მოიგო, 25 კი ნადალმა.