მიშელ ობამას სიტყვით გამოსვლის შემდეგ თეთრის სახლის ისტორიული ასოციაციები აქტუალურ საკითხად იქცა. მან თქვა, რომ ყოველ დილით იღვიძებს თეთრ სახლში, რომელიც მონებმა ააშენეს. უნდა ითქვას, რომ თეთრ სახლში მონების მფლობელი შვიდი პრეზიდენტი ცხოვრობდა:

  • თომას ჯეფერსონი (1801-1809)
  • ჯეიმს მედისონი (1809-1817)
  • ჯეიმს მონრო (1817-1825)
  • ენდრიუ ჯექსონი (1829-1837)
  • ჯონ ტაილერი (1841-1845)
  • ჯეიმს პოლკი (1845-1849)
  • ზაქარი ტეილორი (1849-1850)

ეს იმ პრეზიდენტების სიაა, რომლებიც თეთრ სახლში ყოფნისას მონებს ფლობდნენ.

ჯეფერსონი პირველი იყო, რომელმაც თეთრ სახლში მოსამსახურედ ათეულობით მონა შეასახლა. შემდეგი პრეზიდენტი მედისონი იყო. მან ვირჯიინიიდან საკუთარი მონები პრეზიდენტობისას თეთრ სახლში წამოიყვანა. ამის შესახებ პოლ ჯენინგსი საკუთარ ნაწარმოებში "ფერადკანიანის მოგონებები მედისონზე" წერს:

"როდესაც მედისონი პრეზიდენტად აირჩიეს თეთრ სახლშ გადავიდა. მაშინ აღმოსავლეთის ოთახი არ იყო დასრულებული, არც პენსილვანიის ავენიუ იყო დაგებული. ქალაქი მუდმივ ტალახსა და მტვერში იყო ამოსვრილი".

1812 წლის ამის შემდეგ შენობის დიდი ნაწილი განადგურდა. მის აღსადგენად კი კვლავ მონები გამოიყენეს და მათ 1814-1818 წლებში შენობა აღადგინეს.

თეთრი სახლის მშენებლობაში მონათა შრომით შეტანილი წვლილისათვის დაფა მხოლოდ 2012 წელს ჩამოკიდეს.

ამ შვიდი პრეზიდენტის გარდა კიდევ ოთხს ჰყავდა მონები, თუმცა მათი საცხოვრებელი იმ პერიოდში თეთრი სახლი არ იყო. ესენი არიან :

  • ვან ბარენი (1837-1841)
  • უილიამ ჰენრი ჰარისონი (1841-1841)
  • ენდრიუ ჯონსონი (1865-1869)
  • ულისე გრანტი (1869-1877)

ჯორჯ ვაშინგტონსაც ყავდა დააახლოებით სამასი მონა, მაგრამ ის პრეზიდენტობიდან იქამდე გადადგა, სანამ თეთრი სახლის მშენებლობა დასრულდებოდა.

1862 წლის 16 აპრილს გამოსცეს ემანსიპაციის აქტი, რომლითაც მონობაში მყოფი მხოლოდ სამი ათასი აფროამერიკელი გაანთავისუფლეს.

სამოქალაქო ომის დასრულების შემდეგ შავკანიანებმა ემანსიპაციის დღის აღსანიშნად არაერთი მსვლელობა გამართეს. 2004 წელს ემანსიპაციის დღე ოფიციალურად დამტკიცდა. ეს დღე მონების მიმართ ძალადობაზე გამარჯვების დღეა.