ილიას სახელმწიფო უნივერსიტეტი და ამერიკის შეერთებული შტატების საელჩო საქართველოში ლევინის სამრეწველო ცენტრთან ერთად აცხადებს მიღებას და მოტივირებულ და ბიზნესით დაინტერესებულ ახალგაზრდებს აძლევს უნიკალურ შანსს, გაიარონ სატრენინგო კურსი ეკოსისტემების წარმოების განვითარებასა და გამყარებაში, რომელიც ამა წლის 6-10 აგვისტოს სან დიეგოს სახელმწიფო უნივერსიტეტში (კალიფრონია, აშშ) ჩატარდება.

სამრეწველო ტრენინგის პროგრამას ახორციელებს აშშ-ის საელჩოს დაფინანსებული პროგრამა PAVING THE WAY TO A KNOWLEDGE-BASED ECONOMY: ENHANCING UNIVERSITY RESEARCH AND ENTREPRENEURIAL SKILLS IN GEORGIA. პროგრამის კონსორციუმში, რომელსაც მეთაურობს ილიას სახელმწიფო უნივერსიტეტი, შედიან: საქართველოს ინოვაციებისა და ტექნოლოგიების სააგენტო, სან დიეგოს სახელმწიფო უნივერსიტეტო კალიფორნიაში და Startup Grind.

რატომ უნდა მიიღოთ მონაწილეობა?

ინოვაციები თანამედროვე მსოფლიოს განუყოფელი ნაწილია. ინოვაციები ეკონომიკური და სამეცნიერო განვითარების გამწევი ძალა გახდა. მსოფლიო მასშტაბით ყოველწლიურად მილიონობით სტარტ-აპი იქმნება, თუმცა მხოლოდ რამდენიმე მათგანი აღწევს წარმატებას. წარუმატებლობის უმთავრესი მიზეზი არასწორი გადაწყვეტილებები და თეორიული და პრაქტიკული ცოდნის არარსებობაა. ძალიან მნიშვნელოვანია ცოდნაზე დამყარებული თანამედროვე და ეფექტური ეკოსისტემის განვითარება.

ტრენინგის თემები:

• Overview of SDSU entrepreneurship;
• Campus & Community Ecosystem;
• Academic Roadmap;
• Entrepreneurship Major and Minor;
• Teaching Methodologies;
• Cases, readings, projects;
• Experiential Programs;
• Lavin, LaunchIn, Entrepreneur Day;
• Internships, Student Club, mentors;
• Angel Investor and Seed Panel;
• Teams “live” pitch & feedback;
• Field trips to incubators, accelerators, tech parks, startups, VC/CVC;

ვისთვისაა სატრენინგო კურსი?

საქართველოს სხვადასხვა უნივერსიტეტის სამეწარმეო/ბიზნესის პროფესორებისთვის;
აქსელერატორი/ინკუბაციის მენეჯერებისა და ტექნოლოგიების სპეციალისტებისთვის;
საქართველოს ინოვაციებისა და ტექნოლოგიების სააგენტოს თანამშრომლებისთვის;
იმ მწარმოებლების ან სტუდენტებისთვის, რომლებიც დაინტერესებულები და ჩართულები არიან ეკოსისტემების სამეწარმეო ინფრასტრუქტურის შექმნაში.

მონაწილე კანდიდატი:

• უნდა იყოს საქართველოს მოქალაქე;
• ჰქონდეს აშშ-ში ვიზიტორის ვიზის მიღების საშუალება;
• შეეძლოს, სრულად დაესწროს ტრენინგის კურსს 2018 წლის 6-10 აგვისტოს;
• ტრენინგის კურსის გავლის შემდეგ უნდა დაბრუნდეს სამშობლოში;
• იყოს მოტივირებული და მშრომელი (სატრენინგო კურსი მოითხოვს მონაწილეთა შორის ინტეგრაციას);
• მზად უნდა იყოს, როგორც დარგის ექსპერტი, ჩაერთოს რეგიონულ ტრენინგებში (მინიმუმ წელიწადში ერთხელ), ასევე საქართველოს უმაღლესი განათლების სხვადასხვა ინსტიტუციაში.

კანდიდატებს, რომლებიც გამოხატავენ მზაობას, ასწავლონ საქართველოს სხვადასხვა უნივერსიტეტში და ჩაერთვებიან საქართველოში შექმნილ სტარტ-აპებში, რომელიც ეკოსისტემებზე იქნება ორიენტირებული, მიენიჭებათ უპირატესობა.

ფონდი ფარავს ფრენის ბილეთს, სავიზო მოსაკრებელს, ტრენინგის საფასურს, სამოგზაურო დაზღვევას, განთავსებასა და კვებას. ასევე დღიურ ანაზღაურებას (პერ დიემი).

თუ გსურთ სატრენინგო კურსში მონაწილეობა, 22 ივნისამდე შეავსეთ სარეგისტრაციო ფორმა.

აპლიკაციების მიღების შემდეგ შერჩეული კანდიდატები გაივლიან შიდა გასაუბრებას სან დიეგოს სახელმწიფო უნივერსიტეტის ლავინის ცენტრის, ილიას სახელმწიფო უნივერსიტეტის, პრე-აქსელერატორის ''ZoomOut'', საქართველოში ამერიკის შეერთებული შტატების და საქართველოს ინოვაციებისა და ტექნოლოგიების სააგენტოს წარმომადგენლებთან. შერჩეული 8-10 კანდიდატი მიიღებს სრულ დაფინანსებას. ასევე შესაძლებელია ნაწილობრივი დაფინანსება (ტრენინგის საფასური).