რუს­თავ­ში ძლი­ე­რი წვი­მის შე­დე­გად ქუჩები, კომერციული ობიექტები და საცხოვრებელი სახლები და­იტ­ბო­რა.

ძლი­ე­რი წვი­მის გამო ცენ­ტრა­ლურ და შიდა კვარ­ტა­ლურ გზებ­ზე ტრან­სპორ­ტი შეფერხებით მოძრაობს. დატბორილია ე.წ სტამბულის ბაზარის ტერიტორია.

ძლი­ე­რი წვი­მა რუ­თავ­ში და­ახ­ლო­ე­ბით ერთი სა­ა­თის წინ და­ი­წყო და ამ დრომ­დე წვიმს.

როგორც Info Rustavi იუწყება წვიმამ იაღლუჯის მთიდან ქვა-ღორღი ჩამოიტანა, რის გამოც სანიაღვრე არხები მოჭარბებულ წყალს ვეღარ ატარებს.

განსაკუთრებით რთული მდგომარეობაა ლეონიძისა და მესხიშვილის ქუჩების მიმდებარე ტერიტორიაზე, სადაც საავტომობილო მოძრაობაც შეფერხებულია და მანქანით გადაადგილება შეუძლებელია.

On.ge-ს საგანგებო სიტუაციების მართვის სამსახურში განუცხადეს, რომ რუსთავში გამოძახებებია და მიმდინარეობს ამოტუმბვის სამუშაოები.

ფოტო: On.ge / დიმიტრი სანაია

ფოტო: On.ge / დიმიტრი სანაია