საერთაშორისო კვლევებში, რომლებიც განათლების სისტემის წარმატებას ეხება, ფინეთი ხშირად ლიდერის პოზიციაში გვხვდება.

ჰარვარდის პროფესორმა, ჰოვარდ გარდნერმა, ამერიკელებს ურჩია კიდეც, რომ ფინეთისგან მაგალითი აეღოთ:

"ისწავლეთ ფინეთის გამოცდილებიდან, ამ ქვეყანას ყველაზე ეფექტიანი სკოლები აქვს".

გთავაზობთ იმ რვა მიზეზს, რომელიც ფინურ განათლების სისტემას განსაკუთრებულსა და წარმატებულს ხდის.

1. კონკურენციაზე უფრო მნიშვნელოვანი თანამშრომლობაა

ფინეთი მიხვდა, რომ სკოლებს შორის მეტოქეობა ბავშვებს არ ეხმარებოდა და უფრო ეფექტიანი მათ შორის თანამშრომლობა და შეთანხმების არსებობა იყო.

მასწავლებლები ტრენინგებს გადიან, რომ საკუთარი ტესტები შექმნან და არა, სტანდარტული ტესტები.

"ფინეთში პასუხისმგებლობის შესაფერის სხვა სიტყვას ვერ იპოვით", - ამბობს განათლების ექსპერტი პასი სალბერგი. მასწავლებლების ინსტიტუტი ერთ-ერთი ყველაზე სანდოა ფინეთში. მათ პროფესიონალიზმისთვის მოტივაცია და კონკურსი არ სჭირდებათ, რადგან...

2. მასწავლებლობა ერთ-ერთი ყველაზე დაფასებული და პატივსაცემი პროფესიაა

სხვა ქვეყნებისგან განსხვავებით, ფინეთში მასწავლებლების ანაზღაურება დაბალი არაა. მათ მაღალი ღირებულება აქვთ, განსაკუთრებით მას შემდეგ, რაც ფინეთმა ბავშვების განათლებაში, როგორც უწყვეტ განვითარებაში, დიდი კაპიტალი ჩადო.

იმისთვის, რომ ფინეთში მასწავლებელი გახდე, აუცილებელია, როგორც მინიმუმ, მაგისტრის ხარისხი გქონდეს და ამასთან ერთად, ამერიკის სამედიცინო სკოლის მსგავსი სამოქალაქო პროგრამა გქონდეს გავლილი.

3. ფინეთი ეყრდნობა კვლევის შედეგებს

ფინეთში, კვლევების მონაცემებს არასდროს უყურებენ, როგორც პოლიტიკურ იარაღს. მთავრობა საგანმანათლებლო სისტემაში გადაწყვეტილებებს ეფექტიანობაზე დაყრდნობით იღებს - თუ მონაცემები შედეგების გაუმჯობესებას აჩვენებენ, განათლებისა და კულტურის მინისტრი იდეას შანსს აძლევს.

4. ფინეთს არ ეშინია ექსპერიმენტების

კვლევებზე გაყოლის ერთ-ერთი უდიდესი სარგებელი ისაა, რომ ისინი სიახლეებს სთავაზობენ. ფინეთში, მასწავლებლებს სისტემა უფლებას აძლევს თავისი საკუთარი მინი-ლაბორატორიები ჰქონდეთ, სადაც სწავლების საკუთარი სტილი ექნებათ.

5. თამაშისთვის დროის გამოყოფა უმნიშვნელოვანესია

ფინეთის კანონმდებლობის მიხედვით, ყოველი 45 წუთის შემდეგ, მოსწავლეები 15 წუთით ისვენებენ და თამაშობენ. ქვეყანაში მარტივი წესი მოქმედებს - ბავშვები ბავშვებად რაც შეიძლება დიდხანს უნდა დარჩნენ. იქ ბავშვების ვალდებულება არაა ძალიან სწრაფად გაიზარდონ, ჩააბარონ უამრავი გამოცდა და სწრაფად დაიმახსოვრონ ბევრი ინფორმაცია.

კვლევის მიხედვით, იმ ბავშვებს, რომლებიც გაკვეთილებს შორის 15 წუთით ისვენებენ, უფრო მაღალი მოსწრება აქვთ.

6. ბავშვებს ძალიან ცოტა დავალება აქვთ

ფინეთის სკოლა ადგილობრივ ბავშვებს დიდ ცოდნას აძლევს, თუმცა არის ერთი რან, რაც ბავშვებს სკოლიდან ცოტა მოაქვთ - ეს დავალებებია.

სტრატეგიის ფილოსოფია იმაშია, რომ ბავშებმა განათლება სკოლაში, მასწავლებლებისგან უნდა მიიღონ, ოჯახში კი სხვა ფასეულობები ისწავლონ. ასევე, ყურადღება ექცევა თავისუფალ დროს, რომელიც ბავშვებმა ოჯახის წევრებთან უნდა გაატარონ და არა სასკოლო დავალებებთან.

7. სკოლამდელი განათლება მაღალხარისხიანი და უნივერსალურია

ფინეთში, მშობლებს ყველა პირობა აქვთ, საკუთარი შვილებისთვის ხელის შესაწყობად. 3-დან 7 წლამდე ბავშვების 97% სკოლამდელ განათლებას იღებს. ბაღებში ყოფნისას, ბავშვები თამაშობენ, სოციალურ ურთიერთობებს სწავლობენ და სასკოლოდაც ემზადებიან.

8. კოლეჯი უფასოა

ფინეთის მოსახლეობისთვის უმაღლესი განათლების მიღება უფასოა, მშობლებს დიდი კრედიტების აღება არ უწევთ შვილებისთვის სწავლის დასაფინანსებლად.

უფასოა როგორც ბაკალავრიატი, ასევე მაგისტრატურა და დოქტორანტურა. მათ საგანმანათლებლო ხარჯებს სახელმწიფო და გადასახადის გადამხდელები იხდიან.

"ახალგაზრდებს არ უწევთ იმაზე ფიქრი და ნერვიულობა, თუ როგორ იშოვონ ფული განათლების მისაღებად", - ამბობს საერთაშორისო მობილური ცენტრის გენერალური დირექტორი, პასი საჰლბერგი.

სისტემის ეს ნაწილი ეყრდნობა ფილოსოფიას, რომლის მიხედვითაც, განათლება და უმაღლესი განათლება ადამიანის უფლება და საზოგადოების თანასწორობის მთავარი გამომხატველია.