ჯანდაცვის კომიტეტის თავმჯდომარისა და ქართული ოცნების წევრის, აკაკი ზოიძის განცხადებით, NDI-ს შეფასებები მათ არ აინტერესებთ. მისივე თქმით, მათ, შესაძლოა, აინტერესებდეთ საზოგადოებრივი აზრი და მისი შეფასება.

"NDI აფასებს მთავრობას უარყოფითად - არ გვაინტერესებს ეს თემა. იმ ნაწილში, რომელიც ეხება პოლიტიკურ პარტიებს, ჩვეულებრივ, NDI-ს კვლევებმა კონკრეტულ მაგალითებზე აჩვენა, რომ არ იყო ობიექტური. თუმცა დანარჩენი საკითხები საყურადღებოა, განსაკუთრებით ტენდენციების კუთხით", - განაცხადა ზოიძემ.

დღეს, 30 აპრილს NDI-ს კვლევის პრეზენტაცია გაიმართა. კვლევის მიხედვით, მოსახლეობის აზრით, მოსახლეობით 14 პროცენტი არსებული მთავრობის საქმიანობას დადებითად აფასებს.

ასევე, გამოკითხულთა 39 პროცენტი ფიქრობს, რომ ქვეყანა არასწორი მიმართულებით ვითარდება. 29 პროცენტია იმ გამოკითხულების რაოდენობა, რომლებიც ფიქრობენ, რომ საქართველო სწორი მიმართულებით ვითარდება.

პარლამენტის საქმიანობას კი მოსახლეობის 35 პროცენტი უარყოფითად აფასებს, ხოლო დადებითად 13 პროცენტი.