რუსთავი 2-ის ჟურნალისტების თავდასხმაში ბრალდებულ ექვს პირს ბრალდება დღეს წაეყენებათ. ამის შესახებ მთავარმა პროკურორმა, ირაკლი შოთაძემ განაცხადა.

მისივე თქმით, ბრალდების წარდგენის შემდეგ პროკურატუტა სასამართლოს აღკვეთი ღონისძიების გამოყენების შუამდგობლობით მიმართავს.

19 მარტს ქართული მარშის წევრებმა რუსთავი 2-თან აქცია გამართეს. მათ მიაჩნდათ, რომ ტელეწამყვანმა გიორგი გაბუნიამ მორწმუნეთა "რელიგიურ გრძნობებს" შეურაცხყოფა მიაყენა, როცა 18 მარტს გადაცემა P.S.-ში იესო ქრისტეს ჯვარცმაზე ისაუბრა.

აქციაზე ქართული მარშის წევრებმა, რუსთავი 2-ის ჟურნალისტს დავით ერაძეს სცემეს. პოლიციამ ქართული მარშის 6 წევრი დააკავა.