თბილისის საქალაქო სასამართლომ მამუკა ბერძენიშვილს MDMA-ის 2,027447 გრამის ფლობისთვის რვაწლიანი პატიმრობა მიუსაჯა. აღნიშნული რაოდენობა დღევანდელი კანონმდებლობით განსაკუთრებით დიდ ოდენობად მიიჩევა.

სასამართლოს განმარტებით, ბერძენიშვილს წარსულში უკვე ჰქონდა ნარკოდანაშაული ჩადენილი. 2017 წლის 29 ივნისს, პირობთი მსჯავრისა და გამოსაცდელი ვადის პერიოდში, მისი პირადი და ბინის ჩხრეკისას 0.1133 გრამი კანაფის ფისის შემცველი პლასტიკური მასა და 2,027447 გრამი MDMA ამოიღეს. საქალაქოს განმარტებით, ბერძენიშვილმა დანაშაული აღიარა.

სასამართლოს განცხადებით, დანაშაულისთვის ბერძენიშვილს სასჯელის მინიმალური, 8-წლიანი თავისუფლების აღკვეთა მიუსაჯეს:

"ამასთანავე, სასჯელის დანიშვნისას, სასამართლომ ისარგებლა დისკრეციული უფლებამოსილებით და გამოიყენა შთანთქმის პრინციპი, რომლის თანახმადაც, 2014 წლის 15 აგვისტოს თბილისის საქალაქო სასამართლოს განაჩენით დანიშნული სასჯელი პირობითი მსჯავრი - 3 წელი, იმავე გამოსაცდელი ვადით, შთანთქა ახალი განაჩენით დანიშნულმა სასჯელმა".

მამუკა ბერძენიშვილის განაჩენს გაოეხმაურა თეთრი ხმაურის მოძრობა:

"ხელისუფლება წარმატებით განაგრძობს წინამორბედის სამარცხვინო გზას - საკუთარი მოქალაქეების ცხოვრების დანგრევასა და გაუბედურებას".

ნარკოპოლიტიკის რეფორმა

მარტის დასაწყისში ნარკოპოტიკის რეფორმის განხილვა ისევ გადაიდო, ამჯერად ორი თვით. კანონპროექტი წინა წლის ივნისში დარეგისტრირდა.

საქართველოს პარლამენტის ჯანდაცვის კომიტეტის თავმჯდომარე, აკაკი ზოიძე ნარკოპოლიტიკის რეფორმის გადადების შესახებ საუბრისას ამბობს, რომ დეპუტატების მხარდაჭერის გარეშე განხილვას აზრი არ აქვს.

დეპუტატის თქმით, უმრავლესობაში აზრთა სხვადასხვაობა რამდენიმე კომპლექსურ საკითხზეა. მათ შორის, მოხმარების დოზების განსაზღვრაზე, საპატიმრო სასჯელის გაუქმებასა და ნარკოტიკების მოხმარების წახალისების პრევენციაზე.