ბრიტანეთის პრემიერის-მინისტრ ტერეზა მეის რუსეთის წინააღმდეგ დაწესებული სანქციების შესახებ გაკეთებული განცხადების შემდეგ, საქართველოზე ჰკითხეს.

ერთ-ერთმა გამომსვლელმა მოუწოდა პრემიერ-მინისტრს აღიაროს რუსეთის მიერ საქართველოს ტერიტორიების ოკუპაცია და რუსეთს საქართველოდან ჯარების გაყვანა მოსთხოვოს.

ტერეზა მეიმ უპასუხა, რომ ბრიტანეთის მთავრობა მუდმივად მოუწოდებს რუსეთს საქართველოს ტერიტორიიდან ჯარი გაიყვანოს.

"ეს სხვადასხვა ფრონტზე ხდება და ეს ასეც გაგრძელდება“, – განაცხადა ტერეზა მეიმ.

ბრიტანეთმა რუსეთთან ყველა დონის ურთიერთობა შეწყვიტა. ამის შესახებ დიდი ბრიტანეთის პრემიერ მინისტრმა ტერეზა მეიმ თემთა პალატაში გამართულ ყოველკვირეულ შეხვედრაზე განაცხადა.