ამერიკის შეერთებულ შტატებსა და საქართველოს შორის გაფორმდა მემორანდუმი, რომლის მიხედვითაც იმ სტუდენტთა რაოდენობა, რომლებსაც აშშ-ში სწავლა უფინანსდებათ, გაორმაგდება. ამის შესახებ ამერიკის შეერთებული შტატების სახელმწიფო მდივანმა, ჯონ კერიმ, საქართველოს პრემიერმინისტრთან, გიორგი კვირიკაშვილთან ერთად თბილისში დღეს გამართულ პრესკონფერენციაზე განაცხადა:

"ყველა იმ ნაბიჯთა შორის, რომელთაც ჩვენ საერთაშორისო ურთიერთობებში გადავდგამთ, ეს, ალბათ, ყველაზე მნიშვნელოვანია".

ამერიკის შეერთებული შტატების სახელმწიფო მდივანი საქართველოს დღეს ეწვია. დღესვე ხელი მოეწერა საქართველოსა და აშშ-ს შორის ურთიერთთანამშრომლობის მემორანდუმს. ჯონ კერი საქართველოს 7 ივლისს დატოვებს.