კვირიკაშვილი: კერის ვიზიტი არის საქართველოს მხარდაჭერა ნატოში ინტეგრაციის გზაზე
![](http://phoebe.on.ge/2016/06/27/giorgi_kvirikashvili_1.jpg)
ფოტო: გიორგი კვირიკაშვილი / Facebook
თავდაცვის და უსაფრთხოების სფეროში პარტნიორობის გაღრმავება, საქართველოსა და აშშ-ს შორის საგანმანათლებლო ფულბრაიტის აკადემიური გაცვლითი პროგრამა, USAID-ის ახალი პროექტი საოკუპაციო ხაზის მიდამოებში და წინასაარჩევნო გარემო საქართველოში - ეს ის ძირითადი საკითხებია, რაზეც დღეს საქართველოსა და აშშ-ს წარმომადგენლებმა, აშშ-ს სახელმწიფო მდივნის, ჯონ კერის საქართველოში ვიზიტის ფარგლებში ისაუბრეს.
კვირიკაშვილის თქმით, აღნიშული ვიზიტი არის ორ ქვეყანას შორის აქტიური სტრატეგიული თანამშრომლობის და პარტნიორობის კიდევ ერთი, ნათელი დადასტურება:
"ამასთან, ბატონი კერის ვიზიტი ნატოს ვარშავის სამიტის წინ წარმოადგენს საქართველოს მხარდაჭრას ქვეყნის ჩრდილოატლანტიკურ ალიანსში ინტეგრაციის გზაზე".
როგორც კვირიკაშვილმა განაცხადა, ორი ქვეყნის წარმომადგენლებმა ხელი თავდაცვის და უსაფრთხოების სფეროში პარტნიორობის გაღრმავების მემორანდუმს მოაწერეს, რომელიც თანამშრომლობის იმ სფეროებს მოიცავს, რომლებიც კრიტიკულია უსაფრთხოების გაძლიერებისა და თავდაცვისუნარიანობის ამაღლებისათვის:
"აღსანიშნავია კიდევ ერთი მნიშვნელოვანი დოკუმენტის ხელმოწერა, რომელიც გააღრმავებს საქართველოსა და აშშ-ს შორის საგანმანათლებლო ფულბრაიტის გაცვლითი პროგრამის გაფართოებას აკადემიური მიმართულებით. აღნიშნულის შედეგად უფრო მეტ ქართველ სტუდენტს და მკვლევარს შეუძლია გახდეს პროგრამის სტიპენდიანტი".
კვირიკაშვილის თქმით, ორი ქვეყნის წარმომადგენლებმა განიხილეს USAID-ს ახალი პროექტი - ზრდა, რომელიც მიზნად ისახავს საქართველოს რეგიონებში, განსაკუთრებით საოკუპაციო ხაზის მიდამოებში, ეკონომიკური ზრდის ხელშეწყობას:
"წინასწარი გათვლებით, ქვეყნის 5 რეგიონში შეიქმნება 2000-მდე ახალი სამუშაო ადგილი".
კვირიკავილმა ასევე განაცხადა, რომ ვრცლად განიხილეს საქართველოში დემოკრატიული კონსოლიდაციისა და ეკონომიკური კუთხით მიღწეული პროგრესი და ხაზი გაუსვეს ამ მიმართულებით აშშ-ს ჩრთულობისა და მხარდაჭერის მნიშვნელობას:
"ვისაუბრეთ ასევე საქართელოს საპარლამენტო არჩვენების გამჭვირვალე და მშვიდ გარემოში ჩატარების მნიშვნელობასა და მასში ამერიკული ორგანიზაციებისა და სადამკვირვებლო მისიების ჩართულობაზე".
კვირიკაშვილმა ასევე აღნიშნა, რომ სხდომაზე შეაჯამეს ქარტიის ფარგლებში მიმდინარე წელს ჩატარებული სამუშაო ჯგუფების საქმიანობა ეკონომიკის, ვაჭრობის ენერგეტიკის, დემოკრატიისა და მმართველობის მიმართულებით:
"დავსახეთ წლის ბოლომდე დაგეგმილი თავდაცვის და უსაფრთხოების, ასევე ხალხთაშორისი ურთიერთობებისა და კულტურათა გაცვლითი სამუშაო ჯგუფების საქმიანობის პრიორიტტები. დღევანდელმა შეხვედრამ შედეგები მოიტანა ორმხივი თანამშრომლობის გაღრმავების თვალსაზრისით".
ამერიკის შეერთებული შტატების სახელმწიფო მდივანი საქართველოს დღეს ეწვია. დღესვე ხელი მოეწერა საქართველოსა და აშშ-ს შორის ურთიერთთანამშრომლობის მემორანდუმს. ჯონ კერი საქართველოს 7 ივლისს დატოვებს.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები