ოცნების პარლამენტის საგამოძიებო კომისიაზე გამოუცხადებლობისთვის კოალიცია ცვლილებისთვის ერთ-ერთი ლიდერს, ნიკა მელიას 8 თვით თავისუფლების აღკვეთა მიესაჯა და 2 წლის ვადით აეკრძალა თანამდებობის დაკავება — გადაწყვეტილება მოსამართლე ნინო გალუსტაშვილმა მიიღო. პროცესს თავად ნიკა მელია არ ესწრებოდა. ის მოსამართლე ზვიად შვანგირაძისთვის წყლის შესხმის გამო პროცესიდან გაძევებულია.

ცნობისთვის, ნიკა მელიას აღკვეთის აღკვეთის ღონისძიების სახით 50 000-ლარიანი გირაო შეეფარდა, რაც კანონით დადგენილ ვადაში არ გადაიხადა. აღსანიშნავია, რომ დღეს გამოტანილ განაჩენს დაემატა 2019 წელს აღუსრულებელი სასჯელი — ჯარიმა 25 000 ლარიც. აღნიშნული განაჩენით მელია "სამსახურებრივი უფლებამოსილების ბოროტად გამოყენებაში იქნა ცნობილი".

ნიკა მელიას ბრალდება სისხლის სამართლის კოდექსის 349-ე მუხლით წარუდგინეს, რაც "საქართველოს პარლამენტის დროებითი საგამოძიებო კომისიის მოთხოვნის შეუსრულებლობას" გულისხმობს.

დღესვე, ოცნების პარლამენტის საგამოძიებო კომისიაზე გამოუცხადებლობის გამო ოპოზიციონერ პოლიტიკოსს გივი თარგამაძეს მოსამართლე ნინო გალუსტაშვილმა 7 თვით პატიმრობა მიუსაჯა. მას აეკრძალა 2 წლის ვადით თანამდებობის დაკავებაც. სხდომას თავად გივი თარგამაძე არ ესწრებოდა. პოლიტიკოსს 10 000-ლარიანი გირაო ჰქონდა შეფარდებული, რაც მან კანონით დადგენილ ვადაში გადაიხადა. წულუკიანის კომისიაზე გამოუცხადებლობისთვის მოსამართლე ნინო გალუსტაშვილმა 7-თვიანი პატიმრობა შეუფარდა სტრატეგია აღმაშენებლის ლიდერს, გიორგი ვაშაძესაც. მას აღკვეთის ღონისძიების სახით 50 000-ლარიანი გირაო ჰქონდა შეფარდებული, რაც მან კანონით დადგენილ ვადაში გადაიხადა. ამავე კომისიაზე გამოუცხადებლობისთვის კოალიცია ცვლილებისთვის ლიდერს ზურაბ გირჩი ჯაფარიძეს 7 თვით, ხოლო კოალიცია ლელო — ძლიერი საქართველოს ლიდერებს მამუკა ხაზარაძესა და ბადრი ჯაფარიძეს 8-8 თვით პატიმრობა შეეფარდათ. ასევე, წულუკიანის კომისიაზე გამოუცხადებლობისთვის პატიმრობაშია კოალიცია ცვლილებისთვის გუნდის კიდევ ერთი ლიდერი ნიკა გვარამია და ციხეშია ირაკლი ოქრუაშვილიც, რომელსაც სხვა ბრალთან ერთად ამ საქმეზეც გამოუტანენ განაჩენს.

ასევე იხილეთ: