სალომე ზურაბიშვილი: ერთ კვირაში ამდენი პოლიტპატიმარი არათუ საქართველოს, ალბათ, ძალიან ცოტა ქვეყანას თუ ახსოვს

27 Jun. 2025, 16:40

"ეს კვირა, ალბათ, ყველასთვის ძალიან მძიმე კვირად არის აღქმული. ერთ კვირაში ამდენი პოლიტპატიმარი არათუ საქართველოში, ალბათ, ძალიან ცოტა ქვეყანას თუ ახსოვს, მაგრამ ეს არ არის მიზეზი იმისი, რომ ჩვენ გავჩერდეთ. იმიტომ რომ, პირიქით, ის, რაც ხდება მაჩვენებელი არის იმისი, რომ ჩვენ ვართ უფრო ძლიერი. ის ფაქტი, რომ პლატფორმის პრაქტიკულად ყველა ლიდერი ციხეშია, აჩვენებს თუ რამდენად აწუხებთ მათ ეს წინააღმდეგობის ერთობა. ამიტომ პასუხი იმაზე თუ რაც ხდება, არის კიდევ ერთი ნაბიჯი წინ და ერთი ნაბიჯი წინ ნიშნავს წინ ნაბიჯს ერთობაში. ყველასი ერთად დგომა და ამისი საშუალება გვეძლევა კვირას, რვა საათზე, რომ ყველანი გამოვიდეთ და ყველას, თითოეულ ადამიანს, რომელიც უყურებს დღეს რა ხდება საქართველოში, რომელსაც ესმის, ან რომელიც გრძნობს თუ საითკენ მიჰყავთ ეს ქვეყანა. ეს ის დღეა, როცა უნდა გამოვიდეთ ყველანი ერთად. პარტიის წევრები, აქტივისტები, მშობლები, არასამთავრობოები, ცალკეული ადამიანები, რომლებიც ვერ და არ მოდიან ყოველდღიურად პროტესტში. ყველანი ერთად. მე ვიქნები იქ. თქვენ იქნებით იქ. ჩვენ დავდგებით ერთად და დავანახებთ პასუხად თუ რამდენად ძლიერი არის საქართველოს ერთიანობა, თუ რამდენად ძლიერი არის ეს საზოგადოება, თუ რამდენად ძლიერი არის წინააღმდეგობა. ეს არის ერთადერთი ღირსეული პასუხი ჩვენი ღირსეული მომავლისთვის."

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ