Forbes-მა ახალი სია გამოაქვეყნა. ამჯერად სია კრიპტოვალუტით გამდიდრებულებს აერთიანებს. 19 მილიონერისგან შემდგარ სიაში მე-13 ადგილს Bitfury-ს დამფუძნებელი ვალერი ვავილოვი იკავებს. მისი ქონებაა 500-700 მილიონ დოლარად არის შეფასებული.

საქართველოში დაფუძნებული BitFury ბიტკოინის მაინინგის ბიზნეს სეგმენტში ერთ-ერთი ყველაზე დიდი მოთამაშე და ბლოკჩეინის ტექნოლოგიების მოწინავე კომპანიაა. ის, ასევე, არის ერთ-ერთი ყველაზე დიდი ინფრასტრუქტურული კერძო პროვაიდერი ბლოკჩეინის ეკოსისტემაში.

სიის სათავეშია კრის ლარსენი, რომლის ქონება 7,5-8 მილიარდ დოლარად არის შეფასებული. ტყუპი ძმები ტაილერ და კამერონ ვინკლვოსები, რომლებიც პირველი ბიტკოინ მილიარდერები გახდნენ, ამ სიაში მეოთხე ადგილს იკავებენ. ბიტკოინის ფასის დაცემის შემდეგ მათმა კომპანიამ იზარალა და ახლა მათი ქონება 900 მილიონიდან 1,1 მილიარდ დოლარამდე ფასდება.

Bitfury საქართველოში

ბიტფიური ჯგუფს, ბოლო პერიოდში, პოლიტიკოსები ადანაშაულებდნენ შეღავათიან ფასად ელექტროენერგიის მიღებაში, რამაც, მათი მტკიცებით, ელექტროენერგიაზე მოთხოვნისა და ფასის ზრდა გამოიწვია.

ბიტფიური ჯგუფს 2015 წელს, პრემიერმინისტრ ღარიბაშვილის გადაწყვეტილებით, გლდანში სიმბოლურ ფასად, ერთ ლარად გადაეცა 18,5 ჰექტარი მიწა კრიპტოვალუტა ბიტკოინის მომპოვებელი ცენტრის ასაშენებლად. მაშინ აღნიშნულმა კომპანიამ სესხი მიიღო ივანიშვილის ინიციატივით დაფუძნებული თანაისნვესტირების ფონდისგან. მოგვიანებით, ბიტფიური ჯგუფმა თქვა, რომ მათ არანაირი კავშირი არ აქვთ ბიძინა ივანიშვილთან და თანაინვესტირების ფონდთან.

კომპანიამ ყველა ბრალდება უარყო და განაცხადა, რომ საქართველოში ოპერირების დაწყების დღიდან მათ არანაირი შეღავათით არ უსარგებლიათ.

გაიგეთ მეტი: