ბიტკოინის მომპოვებელი კომპანია Bitfury ჯგუფი, ელექტროენერგიის გადასახადის მატებასთან დაკავშირებით ბრალდებებს პასუხობს და განცხადებას ავრცელებს:

"ბიტფიური ჯგუფი ეხმაურება ბოლო პერიოდში პოლიტიკოსების მხრიდან გაკეთებულ სრულიად უსაფუძლო განცხადებებს. გვსურს ღიად დავაფიქსირო ოფიციალური პოზიცია, რომ კომპანია ბიტფიური, რომელიც უმსხვილესი გლობალური ტექნოლოგიური კომპანიაა (თითქმის 1 მლრდ კაპიტალიზიაციით) 2014-2015 წწ ბიტფიური ჯგუფი სარგებლობდა სესხით თანაინვესტირების ფონდიდან, რომელიც 2015 წელს ჩანაცვლდა საქართველოს ბანკისგან (BOG) მიღებული საბანკო სესხით, ვისთანაც დღემდე ვიმყოფებით ფინანსურ-საქმიან ურთიერთობაში.

ისლანდიის, ნორვეგიის და კანადის მსგავსად, საქართველოში ბიტფიური ჯგუფი ფლობს მაინინგის ცენტრებს, მაგრამ გორში მაინინგი დიდი ხანია აღარ ხდება, შესაბამისად, იქ ჭარბი ელექტროენერგიის საჭიროება არ არსებობს (იქ მხოლოდ ტექნიკური მხარდაჭერის ცენტრია) და მხოლოდ თბილისის (გლდანის რაიონში მდებარე) დატა ცენტრში მიმდინარეობს მაინინგი.

რაც შეეხება დენის საფასურს, მის გადახდებს, ტარიფებს და შესაძლოა პრივილეგიებს, რაზეც ჩვეულად და თავის სტილში აპელირებს ქართველი პოლიტიკოსების ნაწილი, აქაც მთელი პასუხისგებლობით გვსურს განვაცხადოთ, რომ საქართველოში ოპერირების დაწყებიდან დღემდე, არცერთერთ ეტაპზე ბიტფიური ჯგუფს არ უსარგებლია არანაირი პროვილეგიით ან შეღავათით. ამის დასტურად ჩვენი კომპანია - მიმდინარე კვირის ბოლომდე გამოაქვეყნებს - კომუნალური (ელექტროენერგიის შესყიდვა-გადახდის) გადასახადების შესახებ დეტალურ ინფორმაციას”.

ბიტფიური ჯგუფს, ბოლო პერიოდში, პოლიტიკოსები ადანაშაულებდნენ შეღავათიან ფასად ელექტროენერგიის მიღებაში, რამაც, მათი მტკიცებით, ელექტროენერგიაზე მოთხოვნისა და ფასის ზრდა გამოიწვია.

ბიტფიური ჯგუფს 2015 წელს, პრემიერმინისტრ ღარიბაშვილის გადაწყვეტილებით, გლდანში სიმბოლურ ფასად, ერთ ლარად გადაეცა 18,5 ჰექტარი მიწა კრიპტოვალუტა ბიტკოინის მომპოვებელი ცენტრის ასაშენებლად. მაშინ აღნიშნულმა კომპანიამ სესხი მიიღო ივანიშვილის ინიციატივით დაფუძნებული თანაისნვესტირების ფონდისგან. მოგვიანებით, ბიტფიური ჯგუფმა თქვა, რომ მათ არანაირი კავშირი არ აქვთ ბიძინა ივანიშვილთან და თანაინვესტირების ფონდთან.

ბიტფიური ჯგუფი გლდანში ფლობს ბიტკოინის მაინინგ ცენტრს. აღნიშნული ცენტრის გამართული მუშაობა ელექტროენერგიის დიდ რესურსს საჭიროებს. უფრო მეტი კრიპტოვალუტის შესახებ, გაიგეთ აქ.