ტრამპის მიერ ევროკავშირისთვის დაწესებული ტარიფების 90 დღის დაპაუზების შემდეგ, ევროკავშირი ამერიკულ იმპორტზე 25%-იან ტარიფებს 90 დღით გადაავადებს. ამის შესახებ ევროკომისიის პრეზიდენტმა ურსულა ფონ დერ ლაიენი X-ზე წერს.

"ჩვენ პრეზიდენტ ტრამპის განცხადებას ვითვალისწინეთ.

გვსურს, მოლაპარაკებების გამართვას შანსი მივცეთ.

ევროკავშირის საპასუხო ზომების მიღებას, რომლებსაც ჩვენი წევრი სახელმწიფოები მტკიცე მხარდაჭერას უცხადებენ, 90 დღით შევაჩერებთ.

თუ მოლაპარაკებები დამაკმაყოფილებელი არ იქნება, ჩვენი საპასუხო ზომები ამოქმედდება.

შემდგომი საპასუხო ზომების მოსამზადებელი სამუშაოები გრძელდება.

როგორც ადრე ვთქვი, ყველა ვარიანტი განსახილველი რჩება", — წერს ურსულა ფონ დერ ლაიენი.

გუშინ, 9 აპრილს აშშ-ს პრეზიდენტმა, დონალდ ტრამპმა სოციალურ ქსელ Truth Social-ზე ruth Social-ზე დაწერა, რომ ჩინეთს სავაჭრო ტარიფს 125%-მდე უზრდის, სხვა ქვეყნებს, მათ შორის ევროკავშირს 90 დღით უპაუზებს.

ტრამპი ჩინეთს 125%-იან ტარიფს უწესებს, სხვა ქვეყნებს 90 დღით უპაუზებს

ამ განცხადებამდე ერთი საათით ადრე, ევროკავშირის წევრი ქვეყნები აშშ-სთვის 25%-იანი ტარიფების დაწესებაზე შეთანხმდნენ. ტარიფების ძალაში 15 აპრილიდან უნდა შესულიყო და პირველ დეკემბრამდე გაგრძელდებოდა.