რუსეთში საქართველოს მოქალაქე გიორგი გოგლაძეს ომში უკრაინის მხარეს ბრძოლის გამო, "დაქირავებულ მებრძოლად ყოფნის" ბრალდებით, 9-წლიანი პატიმრობა მიესაჯა.

სააგენტო ტასსის ინფორმაციით, ქართველი მებრძოლი 9-წლიან სასჯელს მკაცრი რეჟიმის კოლონიაში მოიხდის. გავრცელებულ ინფორმაციაში ასევე ვკითხულობთ, რომ 2023 წლის აპრილში გოგლიძემ ხელი მოაწერა კონტრაქტს უკრაინის შეიარაღებულ ძალებთან მუშაობისა და შეიარაღებულ კონფლიქტში დაქირავებულად მონაწილეობის შესახებ.

"წვრთნის შემდეგ მას ცეცხლსასროლი იარაღი, საბრძოლო მასალა და სპეციალური ტექნიკა გადაეცა. მატერიალური კომპენსაციისთვის მონაწილეობა მიიღო შეიარაღებულ კონფლიქტში და სამხედრო ოპერაციებში რუსეთის შეიარაღებული ძალების წინააღმდეგ, რასაც მოჰყვა სამოქალაქო ინფრასტრუქტურის განადგურება ლუგანსკის და დონეცკის სახალხო რესპუბლიკების დასახლებულ რაიონებში. დაიღუპნენ მშვიდობიანი მოქალაქეები და რუსი სამხედროები", — ნათქვამია რუსული მხარის მიერ გავრცელებულ ინფორმაციაში.