"საერთაშორისო გამჭვირვალობა", რომელიც არის ესტონეთში რეგისტრირებული ორგანიზაცია, მას შვედეთის სახელმწიფო აფინანსებს და გუშინ იქ სინამდვილეში შვედეთის წარმომადგენლობა ყვიროდა და არა რომელიმე ქართველი NGO-ს თანამშრომელი", — ამის შესახებ ოცნების პარლამენტის თავმჯდომარემ, შალვა პაპუაშვილმა 9 აპრილის მემორიალთან მიმდინარე აქციაზე საუბრისას განაცხადა.

მისი თქმით, შვედეთის საელჩოა პასუხისმგებელი, სამწუხაროა, რომ დღესდღეობით სიძულვილი, ზიზღი, ძალადობა, ტყუილი დეზინფორმაცია და პროპაგანდა ევროპულ დაფინანსებასთანაა ასოცირებული. პაპუაშვილი განაცხადა, რომ ელიან პასუხს — "ემიჯნება თუ არა შვედეთის საელჩო მის მიერ დაფინანსებული ორგანიზაციების მხრიდან მოწყობილ ამ ტერორს?"

"რაც ჩვენ გუშინ ვიხილეთ, ეს სამარცხვინო აქტი იყო. რამდენიმე ათეულმა ადამიანმა, რომლებიც რუსთაველზე იყვნენ ფეხქვეშ გათელეს 9 აპრილს დაღუპულთა ხსოვნა, ის იდეები რისთვისაც 9 აპრილს შეკრებილი ადამიანები საბჭოთა ჯარს წინ დაუდგნენ, ამ ადამიანებმა ფეხქვეშ გათელეს იდეა, რისთვისაც ეროვნული მოძრაობა იბრძოდა.

გუშინ რაც რუსთაველზე ხდებოდა კონკრეტული არასამთავრობო ორგანიზაციების მხრიდან იყო ორგანიზებული — "საერთაშორისო გამჭვირვალობა", "საფარი", "სირცხვილია", რომლებსაც იქ ვხედავდით. ორგანიზაციები წინა დღეებში აორგანიზებდნენ ღონისძიებას, რომ ხელი შეეშალათ მათთვის მიუღებელი პირების მისვლისთვის რუსთაველზე, ამით მათ საზოგადოებას შორის დაპირისპირების პროვოცირება უნდათ და მას შემდეგ, რაც მათ საწადელს მიაღწიეს, თავად დაიწყეს ძალადობა. პრობლემა დონორებშია, რომლებიც ამ ყველაფერს აფინანსებენ. "საერთაშორისო გამჭვირვალობა", რომელიც არის ესტონეთში რეგისტრირებული ორგანიზაცია, მას შვედეთის სახელმწიფო აფინანსებს და გუშინ იქ სინამდვილეში შვედეთის წარმომადგენლობა ყვიროდა და არა რომელიმე ქართველი NGO-ს თანამშრომელი. გუშინ იქ საკრებულოს წევრს, აფხაზეთის ავტონომიური რესპუბლიკის მთავრობის წევრს, 9 აპრილის მონაწილეებს თავს ესხმოდა, ძალადობდა და უყვიროდა კონკრეტული უცხო ქვეყნების ხელისუფლებების წარმომადგენელი, კონკრეტული დიპლომატები, რომლებიც შემდეგ თავად მივიდნენ მემორიალთან. კითხვა მიემართება შვედეთის ელჩს, ეს არის ის, რასაც ისინი აფინანსებენ, რომ დააპირისპირონ ქართველი ხალხი? შვედეთის საელჩოა პასუხისმგებელი, სამწუხაროა, რომ დღესდღეობით სიძულვილი, ზიზღი, ძალადობა, ტყუილი დეზინფორმაცია და პროპაგანდა ევროპულ დაფინანსებასთანაა ასოცირებული. გუშინდელი ამაზრზენი აქტის შემდეგ, როდესაც ემოციურად დაზიანებული ადამიანების ისტერია ვნახეთ, სრული პასუხისმგებლობა ამ ამაზრზენ აქტზე კონკრეტული საელჩოებისა და დონორებს ეკისრებათ. ქართულ სამოსში გადაცმული როდიონოვები ვიხილეთ რუსთაველის გამზირზე.

როდესაც შვედეთის მიერ დაფინანსებული ორგანიზაციები, ამაზრზენ თავდასხმებს აორგანიზებდნენ რუსთაველზე, რამდენიმე წუთში შვედეთის ელჩი მივიდა, სადაც მისი დაფინანსებული ორგანიზაციები 9 აპრილის მონაწილეებს თავს ესხმოდნენ, მივიდა და ყვავილებით შეამკო მემორიალი, ეს ფარისევლობა უნდა დასრულდეს! ველით პასუხს — ემიჯნება თუ არა შვედეთის საელჩო მის მიერ დაფინანსებული ორგანიზაციების მხრიდან მოწყობილ ამ ტერორს?", — განაცხადა შალვა პაპუაშვილმა.