ამბობენ, რომ ერთ ცუდ მოყვარეს ასი მტერი სჯობიაო, მაგრამ ეს ის შემთხვევაა, როდესაც რაოდენობას გადამწყვეტი მნიშვნელობა აქვს.

ისეთი კლიმატის მქონე ქვეყანაში, როგორიც საქართველოა, პიკნიკი ქალაქგარეთ, სეირნობა ტყეში თუ ნანატრი შვებულება ზაფხულში კოღოს ნაკბენების გარეშე არ ჩაივლის.

მიუხედავად იმისა, რომ ამ პატარა, სისხლისმსმელი მწერის ნაკბენისაგან გამოწვეული მტანჯველი ქავილი ყველას გამოგვიცდია, ჯერ კიდევ არსებობს მათ შესახებ ინფორმაცია, რომლის შესახებაც, შეიძლება, არაფერი ვიცოდეთ.

მსოფლიოს გარშემო, კოღოს 3 500-მდე სახეობა არსებობს, თუმცა ნუ შეგეშინდებათ, რადგან ყველა მათგანის ერთ ქვეყანაში ხილვა შეუძლებელია.

გთავაზობთ ამ და სხვა საინტერესო ფაქტს კოღოების შესახებ:

1. მხოლოდ მდედრი კოღო იკბინება

თუ არ იცით გეტყვით, რომ მხოლოდ მდედრი კოღო იკბინება, რადგან კვერცხების დასადებად მას თქვენს სისხლში არსებული პროტეინი სჭირდება.

2. მსოფლიოში კოღოების 3 500 სახეობა არსებობს

მთელს მსოფლიოში კოღოების 3 500-მდე სახეობა არსებობს, მათი უმრავლესობა კი ბასრი ხორთუმის დახმარებით ერთნაირად გვიმწარებს სიცოცხლეს.

3. მალარიის დაავადება მხოლოდ ერთ სახეობას გადააქვს

აღსანიშნავია, რომ მალარიის გადამტანი კოღების მხოლოდ ერთი სახეობა არსებობს.

4. არ აქვთ კბილები

როგორც უკვე გითხარით, კბილების ნაცვლად კოღოებს აქვთ გრძელი ხორთუმი, რომლის დახმარებითაც ხილ-ბოსტნეულის წვენსა და ცხოველების სისხლს მადიანად მიირთმევენ.

5. საკუთარ წონაზე გაცილებით მეტი სისხლის დალევა შეუძლია

კოღოს საკუთარ წონაზე სამჯერ მეტი სისხლის დალევა შეუძლია, მიუხედავად ამისა, საბედნიეროდ ჩვენი სხეულისათვის ეს მაინც სისხლის მინიმალური დანაკარგია.

6. კოღოები არ ავრცელებენ აივ ინფექციას

მართალია კოღოებს რამდენიმე დაავადებისა თუ ვირუსის გადატანა შეუძლიათ მაგრამ, არა აივ ინფექციის, რადგან მათი კუჭი აღნიშნულს უპრობლემოდ ინელებს.

7. 300-მდე კვერცხს დებს

ერთი მდედრი დაახლოებით სამასამდე კვერცხს დებს, ეს ძირითადად წყლის ზედაპირზე ხდება ხოლმე.

8. სიცოცხლის პირველ 10 დღეს წყალზე ატარებს

წყლის ზედაპირზე გამოჩეკილი პატარა კოღოები, სიცოცხლის პირველ 10 დღეს აქვე ატარებენ.

9. მდედრი კოღოები გაცილებით დიდხანს ცოცხლობენ

მამრი კოღოს სიცოცხლის ხანგრძლივობა სულ რაღაც 10 დღეა, თუმცა მდედრის სიცოცხლისუნარიანობა გაცილებით დიდია და ის 6 თვის მანძილზე ცოცხლობს.

10. არასდროს არ მიფრინავენ შორ მანძილზე

ალბათ გაგიკვირდებათ, მაგრამ კოღოებს არ უყვართ შორ მანძილებზე ფრენა, თუმცა არსებობს სახეობები, რომლებიც მშობლიორ ტერიტორიებს ათობით კოლომეტრითაც კი შეიძლება გაცდნენ.

11. კოღოები დინოზავრების დროსაც არსებობდნენ

დიდი ალბათობით ეს პატარა და სისხლისმსმელი არსებები დინოზავრებსაც უმწარებდნენ სიცოცხლეს.

12. კოღოს ნერწყვი ალერგიის მიზეზი შეიძლება გახდეს

ფოტო: smithsonianmag

კოღოს კბენის შემდეგ ზოგ ადამიანს სურდო თუ სხვა გაციების ნიშნები ეწყება, რაც იმის ბრალია, რომ კოღოს ნერწყვი ალერგიას იწვევს.

13. კოღოები ერთ-ერთი ყველაზე მომაკვდინებელი არსებები არიან

კაცობრიობისათვის კოღოები ერთ-ერთი ყველაზე საშიში არსებები არიან, მათ ანგარიშზე მილიონობით ადამიანის სიცოცხლის მოსპობაა, რასაც სხეულში არსებული დაავადებებითა და ვირუსებით იწვევდნენ, მათ შორის ყველაზე დიდი და დღემდე გადაუჭრელი პრობლემა მალარიის გადამტანი კოღოები არიან.