რუსეთის ოთხი ქალაქის აეროპორტებმა ფრენები დროებით შეაჩერა. ამის შესახებ ინფორმაციას "როსავიაციის" ოფიციალურ წარმომადგენელზე, არტიომ კორენიაკოზე დაყრდნობით რუსული მედია ავრცელებს.

ყაზანის, ნიჟნი ნოვგოროდის, სარატოვისა და ტამბოვის აეროპორტებში სამოქალაქო თვითმფრინავების ჩამოსვლასა და გამგზავრებაზე დროებითი შეზღუდვები დაწესდა.

"სამოქალაქო თვითმფრინავების ფრენების უსაფრთხოების უზრუნველსაყოფად, შემდეგი აეროპორტების აეროპორტებში დაწესდა დროებითი შეზღუდვები მათ მიღებასა და გაშვებაზე: ყაზანი (ICAO კოდი: UWKD); ნიჟნი ნოვგოროდი ("სტრიგინო"; UWGG); სარატოვი ("გაგარინი"; UWSG); ტამბოვი ("დონსკოე"; UUOT). საჰაერო ნავსადგურები დროებით არ იღებენ და არ აგზავნიან რეისებს", — დაწერა კორენიაკომ Telegram-ის არხზე.

აღნიშნულია, რომ თვითმფრინავების ეკიპაჟები, საჰაერო მოძრაობის დისპეტჩერები და აეროპორტის სამსახურები ფრენის უსაფრთხოების უზრუნველსაყოფად ყველა საჭირო ზომას იღებენ.

მანამდე გავრცელდა ინფორმაცია, უკრაინული მხარის დრონებით იერიშის შესახებ ჩებოქსარისა და ვორონეჟის ოლქის ქალაქ ბორისოგლებსკზე.

8 ივნისს, რუსეთის თავდაცვის სამინისტრომ განაცხადა, რომ კვირას ღამით 61 უკრაინულმა დრონმა სცადა ქვეყანაზე თავდასხმა.