"ჩვენ ვუფრთხილდებით ევროკავშირს და ევროპას. სინამდვილეში დღეს ჩვენ ვართ ევროკავშირის დამცველები და რამდენიმე ქვეყანა ევროკავშირის შიგნით — უნგრეთი, სლოვაკეთი, — განაცხადა ბრიფინგზე ევროპარლამენტში საქართველოზე გამართულ დებატებზე საუბრისას შალვა პაპუაშვილმა. მისი თქმით, "დღეს ევროკავშირს თავს მომსხდარი არიან ევროპულობის მტრები, რომლებიც აცლიან ევროკავშირს რაც არის ევროპული და მას აქცევენ საბჭოთა კავშირის 21-ე საუკუნის ანალოგიად".

"საბჭოთა კავშირის სახალხო დეპუტატთა ყრილობა არის, რასაც ჩვენ ვაკვირდებით.

...აბსოლუტურად სხვა მიმართულებით მიჰყავს დღევანდელ ბრიუსელს ევროკავშირი. სულ უფრო აკლდება მას ნიშნები ევროპულობისა და მხოლოდ სახელად რჩება ევროპული და არის ჩვეულებრივი კავშირი, რომელიც უფრო მეტად ხდება საბჭოთა შინაარსის, ვიდრე ევროპული შინაარს. ის, ვისაც საბჭოთა კავშირი გამოვლილი აქვს, ამას პირდაპირ ვხედავთ, ეს ჩანს, გვახსენდება ის ესთეტიკა, შინაარსი, რაც იყო საბჭოთა კავშირის დამოკიდებულება, ზუსტად ერთი ერთში ხდება რეინკარნაცია დღევანდელი ბრიუსელის მიერ ევროკავშირში. ჩვენ ვუფრთხილდებით ევროკავშირს და ევროპას. სინამდვილეში დღეს ჩვენ ვართ ევროკავშირის დამცველები და რამდენიმე ქვეყანა ევროკავშირის შიგნით — უნგრეთი, სლოვაკეთი და სხვები, მათ შორის პოლიტიკური ძალები. დღეს ევროკავშირს თავს მომსხდარი არიან ევროპულობის მტრები, რომლებიც აცლიან ევროკავშირს რაც არის ევროპული და მას აქცევენ საბჭოთა კავშირის 21-ე საუკუნის ანალოგიად, როგორც იერარქიით, ისე სტრუქტურით და ღირებულებით", — განაცხადა შალვა პაპუაშვილმა