გვსურს, გამოვეხმაუროთ Facebook-ზე გავრცელებულ სარეკლამო პოსტს ე.წ. BERA CASINO-ს შესახებ, რომელიც On.ge-ის სახელის, ლოგოსა და ქარდის დიზაინის გამოყენებით ვრცელდება. აღნიშნულ დეზინფორმაციას ავრცელებს ყალბი გვერდი სახელწოდებით Georgia News, რომელიც მიზანმიმართულად იყენებს On.ge-ის ლოგოსა და ვიზუალურ იდენტობას.

ჩვენ არანაირი კავშირი არ გვაქვს აღნიშნულ "კაზინოსთან" და გავრცელებულ სარეკლამო კამპანიასთან. ინფორმაცია, თითქოს ჩვენი მედია აქვეყნებს ან მხარს უჭერს ამ გათამაშებას, სიცრუე და თაღლითური სქემის ნაწილია. ჩვენი ლოგო და ვიზუალური იდენტობა გამოყენებულია უკანონოდ, ყოველგვარი ნებართვის გარეშე, რათა ჩვენი მკითხველები შეცდომაში შეიყვანონ.

არ ენდოთ აღნიშნულ დასპონსორებულ პოსტებს, არ გადახვიდეთ მითითებულ საეჭვო ბმულებზე და არავითარ შემთხვევაში არ შეიყვანოთ თქვენი პირადი ინფორმაცია, საბანკო ბარათის მონაცემები ან პაროლები მსგავს ვებგვერდებზე.

ჩვენმა გუნდი უკვე მიიღო შესაბამისი ზომები, რათა თაღლითური გვერდები და რეკლამები დროულად დაიბლოკოს. გთხოვთ, გამოიჩინოთ მაქსიმალური სიფრთხილე და ნებისმიერი სიახლე მხოლოდ ჩვენს ოფიციალურ პლატფორმებზე გადაამოწმოთ.