ახალი სასწავლო სივრცეები, თანამედროვე ლაბორატორიები და გაფართოებული კლინიკური ბაზა — თიბისის მხარდაჭერით, ევროპის უნივერსიტეტმა ინფრასტრუქტურა გააფართოვა. პარტნიორობის ფარგლებში, კომპანიამ გახსნა ვეტერინარული მედიცინის სასწავლო კორპუსი, ააშენა სტუდენტური კამპუსები, შეიძინა წმინდა მიქაელის საუნივერსიტეტო ჰოსპიტალი და არსებული ინფრასტრუქტურის რეაბილიტაციას აგრძელებს. პროექტების შედეგად, სტუდენტებს შეუძლიათ, მიიღონ საერთაშორისო სტანდარტების შესაბამისი განათლება, რომლის ფარგლებშიც თეორიული ცოდნა პრაქტიკულ გამოცდილებასთან ერთიანდება.

“ევროპის უნივერსიტეტი” საერთაშორისო კერძო უმაღლესი საგანმანათლებლო დაწესებულებაა, სადაც სტუდენტები მსოფლიოს 130-მდე ქვეყნიდან სწავლობენ. უნივერსიტეტი 5 ფაკულტეტს აერთიანებს, სასწავლო პროცესი კი ქართულ და ინგლისურ ენებზე მიმდინარეობს.

“ევროპის უნივერსიტეტი” კავკასიის რეგიონში ერთ-ერთი ყველაზე მრავალფეროვანი სიმულაციური ცენტრებით გამოირჩევა. სტუდენტებისთვის ხელმისაწვდომია თანამედროვე ლაბორატორიები, ინოვაციური სამედიცინო და სასწავლო ტექნოლოგიები, მათ შორის: 3D ანატომიურ მაგიდა, ვირტუალური პაციენტების სიმულაციის პლატფორმები, VR ლაბორატორია და სხვა მაღალტექნოლოგიური მოწყობილობები.

პრაქტიკული სწავლება უნივერსიტეტის ერთ-ერთი მთავარი უპირატესობაა. მედიცინის, სტომატოლოგიისა და ვეტერინარული მედიცინის პროგრამების სტუდენტები კლინიკურ პრაქტიკას როგორც უნივერსიტეტის კლინიკურ ბაზებზე (ჯო ენის საუნივერსიტეტო ჰოსპიტალი, წმინდა მიქაელის საუნივერსიტეტო ჰოსპიტალი, EU დენტი), ისე პარტნიორ ევროპულ უნივერსიტეტებსა და საუნივერსიტეტო კლინიკებში გადიან, რაც მათ საერთაშორისო გამოცდილების მიღების შესაძლებლობას აძლევს.

თიბისი უკვე 10 წელზე მეტია “ევროპის უნივერსიტეტთან” თანამშრომლობს და საერთო პროექტებს ჯგუფში გაერთიანებულ სხვა კომპანიებთან ერთადაც ახორციელებს, როგორებიცაა: ჯო ენის საუნივერსიტეტო ჰოსპიტალი, წმინდა მიქაელის საუნივერსიტეტო ჰოსპიტალი და ევროპის ცენტრალური უნივერსიტეტი ქუთაისში. მსგავსი პროექტების მხარდაჭერით ბანკი ხელს უწყობს ქვეყანაში თანამედროვე სასწავლო და სამედიცინო ინფრასტრუქტურის განვითარებასა და მაღალი სტანდარტების დანერგვას ქვეყნისთვის მნიშვნელოვან სექტორებში.