ცნობილი ტაილანდელი იუთუბერისა და ბლოგერის, ჰლუნ სოლოს ოჯახი დახმარებას ითხოვს. ტაილანდური მედიის ცნობით, ტურისტი, რომელიც საქართველოში მარტო მოგზაურობდა, უკვე ორი კვირაა დაკარგულად ითვლება — ოჯახი მას ვერ უკავშირდება და მისი ადგილსამყოფელი უცნობია.

დაკარგულის ძმა სოციალურ ქსელში საგანგებო განცხადებას ავრცელებს. მისი ინფორმაციით, 26 წლის ტაილანდელი ბლოგერი შესაძლოა სვანეთში, ყაზბეგში ან მესტიაში იმყოფებოდეს. ოჯახის წევრები მას ბოლოს 13 ივლისს ესაუბრნენ. მას შემდეგ მასთან დაკავშირება ვერც ტელეფონით და ვერც ინტერნეტით ვეღარ ხერხდება.

ოჯახმა დახმარებისთვის უკვე მიმართა ტაილანდის საგარეო საქმეთა სამინისტროს საკონსულო დეპარტამენტს.

ჰლუნ სოლოს მრავალრიცხოვანი აუდიტორია ჰყავს — მას ფეისბუკზე 2.5 მილიონი, ხოლო იუთუბზე 914 ათასი გამომწერი ჰყავს.

ოჯახი ყველას, ვინც ამჟამად საქართველოში იმყოფება ან შესაძლოა დაკარგული ნახა, ან მისი ადგილსამყოფლის შესახებ რაიმე ინფორმაციას ფლობს, დახმარებას სთხოვს. მათი თქმით, უმცირეს დეტალსაც კი შესაძლოა გადამწყვეტი მნიშვნელობა ჰქონდეს..