ქუთაისის სააპელაციო სასამართლოში "ბათუმელებისა" და "ნეტგაზეთის" დამფუძნებლისა და დირექტორის, მზია ამაღლობელის საჩივრის განხილვა იწყება. სასამართლოს ეზოში პროცესზე დასასწრებად მისულ მედიის წარმომადგენლებსა და მოქალაქეებს არ უშვებენ.

სააპელაციო სასამართლოში უკვე მიიყვანეს მზია ამაღლობელი. ვიდეო "მედიაჩეკერმა" გაავრცელა.

მანდატურის განმარტებით, სხდომაზე დამსწრეთათვის განკუთვნილი ადგილები უკვე დაკავებულია.

"ბათუმელების" ცნობით, პროცესი პატარა დარბაზში გაიმართება, სადაც 24 ადამიანის დასწრებაა შესაძლებელი.

მზია ამაღლობელის ადვოკატები ბათუმის საქალაქო სასამართლოს მიერ გამოტანილი განაჩენის გაუქმებას და გამამართლებელი განაჩენის გამოტანას ითხოვენ.

6 აგვისტოს, "ბათუმელებისა" და "ნეტგაზეთის" დამფუძნებელ მზია ამაღლობელს 2 წლით თავისუფლების აღკვეთა შეეფარდა.