ოცნების დეპუტატმა, თეა წულუკიანმა გადაცემაში "უცნობის კიდობანი" განაცხადა, რომ კარგი იქნებოდა, დიდი ბრიტანეთის მიერ საქართველოს მოქალაქეებისთვის დაწესებული სანქციების გამო "სტრასბურგის სასამართლოში შესულიყო საჩივარი".

"არ იქნებოდა ურიგო, როდესაც დიდი ბრიტანეთი ჩვენს მოქალაქეებს უწესებს რაღაცა ტიპის შეზღუდვებს, რომ ამ შეზღუდვებზე ამოვწუროთ ყველა შესაძლებლობა, როგორც ამას ითვალისწინებს ევროპული კონვენცია და ვინაიდან ეს სხვებთან ერთად ქვეყანა არის ევროპული კონვენციის ხელშემკვრელი მხარე, სტრასბურგის სასამართლოში შესულიყო საჩივარი.

მგონია, რომ ამაზე ფიქრი დღესაც ღირს და არ არის გამორიცხული შედეგიანიც აღმოჩნდეს. იმიტომ, რომ აქ საუბარია საკუთრების უფლების შეზღუდვაზე. მაგალითად, რას ვგულისხმობ, თუ იქნებოდა საქართველოს ისეთი საქართველოს მოქალაქე, რომელსაც ისეთი შეზღუდვები დაუწესეს, რომ მან თავისი ბიზნესი ვეღარ განკარგა, აქ მაინცდამაინც პირველ რიგში არ ვგულისხმობ ბატონ ბიძინა ივანიშვილს. ამ ბევრი დავა აწარმოვა და საარბიტრაჟო სასამართლოებში ერთი მეორეს მიყოლებით ეს დავები მოიგო. შეიძლება სხვა ბიზნესმენებმა ან არაბიზნესმენებმა, რომლებმაც გარკვეული შეზღუდვა დაუწესდა, გაიაროს ყველა პროცედურული ეტაპი, როგორც არის წესი და რიგი და მიმართოს სტრასბურგის სასამართლოს, რომ დაირღვა მისი საკუთრების უფლება, თავისუფალი მიმოსვლის უფლება", — განაცხადა თეა წულუკიანმა.