ჩაკრულოს კოსმოსში გაშვებიდან ორმოცი წლის შემდეგ საქართველოს ნასას თანამშრომლები ეწვივნენ
წარმოიდგინეთ, რომ 1977 წელია. საბჭოთა კავშირი და ა.შ.შ ერთმანეთთან ჭიდილში არიან ჩართულნი და ცივი ომის ფონზე, ყველა კომპონენტში ეჯიბრებიან ერთმანეთს. ა.შ.შ-ს საბჭოთა კავშირის დაშლა სურს, ამ უკანასკნელს კი ჰეგემონობა და ამერიკის გავლენების შესუსტება. ამ დროს ნასაში მეცნიერები უდიდესი მოვლენისთვის ემზადებიან. კოსმოსური ხომალდები, რომელსაც „ვოიაჯერი 1“ და „ვოიაჯერი 2“ ეწოდა, ხანგრძლივი მისიის შესასრულებლად, ჯერ კიდევ ცუდად შესწავლილ კოსმოსში უნდა გაფრინდნენ.
სწორედ ამ დროს, ჯონ კასანის, ხომალდებთან ერთად ოქროს ფირფიტების გაგზავნის იდეა უჩნდება და საკუთარი მოსაზრების გასაზიარებლად უდიდეს მეცნიერს, კარლ სეიგანს ურეკავს. ერთობლივი მუშაობით გადაწყდა, რომ ოქროს ფირფიტებზე შენახულიყო ბუნებრივი ხმები, მისალმებები სხვადასხვა ენებზე, ფოტოები, პრეზიდენტ კარტერის სპეციალური მიმართვა და მსოფლიო მუსიკალური საგანძურიდან შერჩეული 27 მუსიკალური ნაწარმოები, რომელთა შორის ქართული ჩაკრულოც მოხვდა.
ცნობილი ფაქტია, რომ სსრკ ძალიან ეწინააღმდეგებოდა ჩაკრულოს კოსმოსში გაგზავნას და მის ნაცვლად რუსული კომპოზიციის გაგზავნა სურდა, თუმცა კარლ საგანი და მისი გუნდი საკუთარ აზრზე მტკიცედ იდგა. საბოლოოდ, ჩაკრულო დედამიწის საზღვრებს მაინც გაცდა და ვოიაჯერთან ერთად კოსმოსში გაიჭრა.
ამ დიდებული მისიის დაწყებიდან ზუსტად ორმოცი წელი გავიდა. ვოიაჯერებისა და ჩაკრულოს კოსმოსში გაშვების იუბილეს აღსანიშნავად თბილისს ნასას ორი გამორჩეული მეცნიერი, რობ მენინგი და ჯონ კასანი, თიბისი ბანკის მხარდაჭერითა და რამაზ ბლუაშვილის ორგანიზებით, ჩაკრულოს კვირეულის ფარგლებში ეწვია. მეცნიერები კვირეულის ფარგლებში ქართველ სტარტაპერებს ტექნოპარკში შეხვდნენ და მათ მიერ დასმულ შეკითხვებს უპასუხეს. შეხვედრაზე იმყოფებოდა ა.შ.შ-ს ელჩი საქართველოში იან კელი და საქართველოს პარლამენტის განათლების კომიტეტის თავჯდომარე მარიკა ჯაში. სტარტაპერებთან შეხვედრას მენტრობას უწევდა რეჟისორი და ჩაკრულოს კვირეულის ერთ-ერთი ორგანიზატორი რამაზ ბლუაშვილი.
შეხვედრაზე რობ მენინგმა და ჯონ კასანიმ აუდიტორიის მიერ დასმულ შეკითხვებს უპასუხეს. შეკრებილ საზოგადოებას პირველ რიგში აინტერესებდა თუ როგორ გადაწყდა ჩაკრულოს კოსმოსში გაშვება, რას ემსახურებოდა „ვოიაჯერის“ მისია, როგორ დაიგეგმა ის და როგორია მისი მომავალი, რა ელის კოსმოსს, როდის გაუშვებს ნასა მარსზე ადამიანს, რა სიახლეები იგეგმება და სხვ.
ამერიკელმა მეცნიერებმა თითოეულ დასმულ კითხვას გულმოდგინე პასუხი გასცეს. ჯონ კასანიმ აღნიშნა, რომ მათთვის პრინციპულად მნიშვნელოვანი იყო სხვა მუსიკალურ ნაწარმოებებთან ერთად ჩაკრულოს კოსმოსში გაგზავნა და მიუხედავად წინააღმდეგობისა, აზრი ვერაფერმა შეაცვლევინა. რობ მენინგი მომავალზე საუბრისას აღნიშნავს, რომ ნასას წინ კიდევ დიდი გეგმები აქვს. მისი აზრით, კოსმოსის უფრო დეტალურად შესწავლა ახლა მხოლოდ ნასას პრეროგატივა აღარ არის, რაც მას ძალიან ახარებს. იგი ხაზს უსვამს ილონ მასკის მიზნების მნიშვნელობას და თვლის, რომ სახელმწიფოსა და კერძო სექტორის თანამშრომლობა მეცნიერებას დიდ წარმატებას მოუტანს.
ჩაკრულოს კვირეულის ფარგლებში კინოთეატრ ამირანში ემერ რეინოლდსის ფილმის, The Farthest-ის პრეზენტაციაც გაიმართა. ფილმის პრემიერას ესწრებოდნენ ნასას თანამშრომლები და სხვა მოწვეული სტუმრები. ფილმის ჩვენებამდე ჯონ კასანიმ საჯარო ლექცია ჩაატარა, რომელიც კითხვა-პასუხის რეჟიმით გაგრძელდა.
ჩაკრულოს კვირეულის მიწურულს, თბილისის ოპერისა და ბალეტის თეატრში რამაზ ბლუაშვილის პრემიერაც შედგა. ფილმში ჩაკრულოს ისტორია დეტალურად არის მოთხრობილი. ოპერისა და ბალეტის თეატრში რობ მენინგის საჯარო ლექციაც გაიმართა, რომელიც ერისიონის კონცერტით დაგვირგვინდა. ამ შეხვედრაზე დასწრება ნებისმიერი მსურველისათვის თავისუფალი იყო.
ცნობისთვის, 2012 წელს „ვოიაჯერ 1“ მზის სისტემას გაცდა და ინტერსტელარში გაიჭრა. ის ერთადერთი კოსმოსური ქმნილებაა, რომელმაც მზის სისტემის დატოვება მოახერხა. რამდენ ხანს იფრენს ის გალაქტიკაში - ამაზე ზუსტი პასუხის გაცემა ჯერჯერობით უჭირს მეცნიერებს, თუმცა იმედოვნებენ, რომ ვოიაჯერი თავის მთავარ ამოცანას თავს გაართმევს. რაც შეეხება „ვოიაჯერ 2-ს“, სავარაუდოდ, ისიც მალე დატოვებს მზის სისტემას და მის წინამორბედს შეუერთდება.
-
გადახედვაყალბი მართვის მოწმობების დამზადება-გასაღების ფაქტზე ოთხი პირი დააკავეს ყალბი მართვის მოწმობების დამზადება-გასაღების ფაქტზე ოთხი პირი დააკავეს
-
-
გადახედვაბრიტანულმა კომპანიამ "უჩინმაჩინის ფარის" გაყიდვა დაიწყო ბრიტანულმა კომპანიამ "უჩინმაჩინის ფარის" გაყიდვა დაიწყო
-
გადახედვაNASA-ს ხელმძღვანელის თქმით, ჩინეთი კოსმოსში გასაიდუმლოებულ სამხედრო ექსპერიმენტებს ატარებს NASA-ს ხელმძღვანელის თქმით, ჩინეთი კოსმოსში გასაიდუმლოებულ სამხედრო ექსპერიმენტებს ატარებს
-
გადახედვასაერთაშორისო კოსმოსურ სადგურში ბაქტერიებმა მუტაცია განიცადეს საერთაშორისო კოსმოსურ სადგურში ბაქტერიებმა მუტაცია განიცადეს
-
-
გადახედვააპრილში მოსამართლეების სახელფასო დანამატებისთვის 1 მილიონ 300 ათას ლარზე მეტია გაწერილი აპრილში მოსამართლეების სახელფასო დანამატებისთვის 1 მილიონ 300 ათას ლარზე მეტია გაწერილი
-
გადახედვამეცნიერებმა გადაშენების საფრთხის ქვეშ მყოფი ქრცვინის კლონები შექმნეს მეცნიერებმა გადაშენების საფრთხის ქვეშ მყოფი ქრცვინის კლონები შექმნეს
-
გადახედვაკგბ-სა და ეფ-ეს-ბეს მიერ შექმნილი ინსტიტუტი, თბილისში "ტრადიციული ღირებულებების შესახებ" კონფერენციას მართავს — აგენტსტვო კგბ-სა და ეფ-ეს-ბეს მიერ შექმნილი ინსტიტუტი, თბილისში "ტრადიციული ღირებულებების შესახებ" კონფერენციას მართავს — აგენტსტვო
-
გადახედვაროგორია ჰიპოთეზური ნაწილაკი, რომელიც "სინათლის სიჩქარეზე სწრაფად მოძრაობს" — კვლევა როგორია ჰიპოთეზური ნაწილაკი, რომელიც "სინათლის სიჩქარეზე სწრაფად მოძრაობს" — კვლევა
-
გადახედვაჯანდაცვის მინისტრს ახალი მოადგილეები ჰყავს — რა ვიცით მათზე ჯანდაცვის მინისტრს ახალი მოადგილეები ჰყავს — რა ვიცით მათზე
-
-
გადახედვაზოგადი განათლების ეროვნული მიზნების დოკუმენტის საბოლოო პროექტი მომზადდა — რას ითვალისწინებს ზოგადი განათლების ეროვნული მიზნების დოკუმენტის საბოლოო პროექტი მომზადდა — რას ითვალისწინებს
-
გადახედვაNASA-ს ზონდმა იუპიტერის თანამგზავრზე ლავის ტბა დააფიქსირა — ნახეთ ვიდეო NASA-ს ზონდმა იუპიტერის თანამგზავრზე ლავის ტბა დააფიქსირა — ნახეთ ვიდეო
-
-
-
გადახედვაკობახიძე: თბილისში 70 ათას მაყურებელზე გათვლილი სტადიონი აშენდება, შევიტანთ განაცხადს 2028 წლის ჩემპიონთა ლიგის ფინალის მასპინძლობაზე კობახიძე: თბილისში 70 ათას მაყურებელზე გათვლილი სტადიონი აშენდება, შევიტანთ განაცხადს 2028 წლის ჩემპიონთა ლიგის ფინალის მასპინძლობაზე
-
გადახედვასაოკუპაციო ძალების წარმომადგენლებმა, ქარელის რაიონში უკანონოდ დააკავეს საქართველოს 2 მოქალაქე საოკუპაციო ძალების წარმომადგენლებმა, ქარელის რაიონში უკანონოდ დააკავეს საქართველოს 2 მოქალაქე
-
გადახედვა25 აპრილს საქართველოში, შესაძლოა, 38 გრადუსი დაფიქსირდეს 25 აპრილს საქართველოში, შესაძლოა, 38 გრადუსი დაფიქსირდეს
-
-
გადახედვაემინემმა 16-წლიანი სიფხიზლის აღსანიშნად ინსტაგრამზე მონეტის ფოტო გააზიარა ემინემმა 16-წლიანი სიფხიზლის აღსანიშნად ინსტაგრამზე მონეტის ფოტო გააზიარა
კომენტარები