ისრაელის საგარეო საქმეთა სამინისტროს მიერ გავრცელებული განცხადების მიხედვით, ქვეყანა გრეტა ტუნბერგსა და სხვა აქტივისტებს დაადეპორტებს.

"სელფის იახტის" მგზავრების ნაწილი, სავარაუდოდ, უახლოეს რამდენიმე საათში ქვეყანას დატოვებს...ისინი, ვინც უარს იტყვიან დეპორტაციის დოკუმენტებზე ხელმოწერასა და ისრაელის დატოვებაზე, ისრაელის კანონმდებლობის შესაბამისად, სასამართლო ორგანოს წინაშე წარდგებიან," — ნათქვამია ისრაელის საგარეო საქმეთა სამინისტროს მიერ გავრცელებულ განცხადებაში

ისრაელის საგარეო საქმეთა სამინისტროს ცნობით, აქტივისტები ბენ-გურიონის აეროპორტში გადაიყვანეს, სადაც მათ მშობლიური ქვეყნების საკონსულოების წარმომადგენლები შეხვდნენ.

ცნობისთვის, ისრაელის ძალებმა ბრიტანეთის დროშის ქვეშ მცურავი გემი Madleen-ი და მასზე მყოფი 12 ადამიანი გუშინ დააკავა, როდესაც გემმა ღაზას სექტორის საზღვაო ბლოკადის გარღვევა სცადა. დაკავებულებს შორის შვედი გარემოსდამცველი და აქტივისტი, გრეტა თუნბერგი და ფრანგი ევროპარლამენტარი, რიმა ჰასანიც არიან.