გახარია საქართველოსთვის წევრი ანა ბუჩუკური ამბობს, რომ არჩევნებში მონაწილეობა-არმონაწილეობასთან დაკავშირებით მსჯელობა დასრულებულია და ამ თემას აღარ მიუბრუნდებიან. ბუჩუკურის თქმით, მისი გუნდის ამოცანა ახლა ნეიტრალურ კანდიდატზე მსჯელობაა.

"ნაციონალური მოძრაობის არანაირ განცხადებას ჩვენთვის მნიშვნელობა არ აქვს, რაც უნდათ ის უქნიათ, როგორც უნდათ ისე ლანძღონ დანარჩენები. არანაირი მნიშვნელობა არ აქვს. ჩვენ ეს ეტაპი გავლილი გვაქვს მონაწილეობა-არმონაწილეობასთან დაკავშირებით. ორი თვეა, საზოგადოებამ იცის ჩვენი გადაწყვეტილების შესახებ. ვერ გეტყვით, რა გადაწყვეტილებას მიიღებს ლელო. იმედი მაქვს, რომ რაციონალურად მიიღებენ გადაწყვეტილებას. რაც შეეხება კანდიდატებს, ჩვენ ბევრად წინ ვართ. ჯერ გადაწყვეტილება უნდა მიიღონ ამ პარტიებმა" — თქვა ბუჩუკურმა.