საქართველოს ბანკი დეველოპერული ბიზნესების მხარდაჭერას აქტიურ რეჟიმში განაგრძობს. ბანკისა და კომპანია NEW GROUP-ის პარტნიორობით, თბილისში, უნივერსიტეტის ქუჩაზე კიდევ ერთი პრემიუმ კლასის საცხოვრებელი სახლი შენდება.

პროექტის ჯამური ღირებულება 52 მილიონი ლარია, საქართველოს ბანკის მიერ განხორციელებული ინვესტიცია კი 43 მილიონ ლარს შეადგენს.

აღნიშნული შენობა უნივერსიტეტის ქუჩაზე, 4,800 კვ.მ-ზე შენდება, ხოლო სამშენებლო ფართობი შეადგენს 45,000 კვ.მ-ს. ის 169 ბინას აერთიანებს. საცხოვრებელ კომპლექსში გათვალისწინებულია 8,000 კვ.მ-ზე საოფისე, ხოლო 800 კვ.მ-ზე კომერციული ფართების, ასევე, გამწვანებული და კეთილმოწყობილი გარე მოსასვენებელი, საბავშვო სივრცეებისა და ორსართულიანი მიწისქვეშა ავტოსადგომის მოწყობა. მშენებლობა 2026 წლის მარტში დასრულდება.

ინფორმაციისთვის, საქართველოს ბანკის SOLO მომხმარებლებისთვის 10%-იანი ფასდაკლება მოქმედებს. მეტი ინფორმაციისთვის ეწვიეთ ბმულს.

“დეველოპერული კომპანია NEW GROUP ქართულ ბაზარზე 2016 წლიდან ოპერირებს და ამ წლების განმავლობაში, არაერთი წარმატებული პროექტი განვახორციელეთ. ჩვენი მიზანია, მომხმარებლების ინტერესები გავითვალისწინოთ და მათ სრული კომფორტი შევთავაზოთ. კომპანია იღებს პასუხისმგებლობას შექმნას ჯანსაღი და ეკომეგობრული გარემო, რაც ყოველწლიურად უფრო და უფრო მეტ მომხმარებელს იზიდავს. საუკეთესო გეგმარებისა და მაღალი ხარისხის მშენებლობასთან ერთად, NEW GROUP-ის ყველა პროექტი ეკომეგობრული კონცეფციითა და საერთაშორისო სტანდარტის სახანძრო უსაფრთხოებით გამოირჩევა, ის ენერგოეფექტურ ბინებს აერთიანებს, რაც კომუნალური გადასახადების დაზოგვის საშუალებას იძლევა. აღსანიშნავია ისიც, რომ ახალი პროექტი სრულად იქნება მორგებული შშმ პირების საჭიროებებზე. კომპანი ბაზარზე სხვა კომპანიებისგან გამოარჩევს — ხარისხი, მოქნილი პირობები და კონკურენტული ფასები. მომხმარებლებს მათზე მორგებულ, მოქნილ გადახდის გრაფიკსა და შიდა უპროცენტო განვადებას ვთავაზობთ. გარდა ამისა, პირველადი შენატანიც საკმაოდ მინიმალურია. ჩვენ წლებია საქართველოს ბანკთან ვთანამშრომლობთ, რაც შესაძლებლობას გვაძლევს დაინტერესებულ პირებს განსაკუთრებულ პირობები შევთავაზოთ“ — განაცხადა „New Group” - ის წარმომადგენელმა ლაშა ბაგრატიონმა.

“საქართველოს ბანკის მთავარი პრიორიტეტი ბიზნესის მხარდაჭერა და მისთვის საიმედო პარტნიორობის გაწევაა. ჩვენ მრავალი წელია სამშენებლო და დეველოპერული სექტორის მხარდაჭერები ვართ და აღნიშნულ სექტორს მნიშვნელოვანი ადგილი უჭირავს ჩვენს პორტფელში. სწორედ ამიტომ, ჩვენი ჩართულობით, ამ მიმართულებით, არაერთი პროექტი განხორციელდა. გვიხარია, რომ ბანკისა და NEW GROUP - ის თანამშრომლობის ფარგლებში, თბილისს კიდევ ერთი პრემიუმ კლასის საცხოვრებელი პროექტი შეემატება. კომპანიას ამ დრომდე არაერთი მასშტაბური პროექტი აქვს განხორციელებული და მოხარულები ვართ, რომ, წვლილი შეგვაქვს მათ გაძლიერებაში. გვინდა, წარმატებები ვუსურვოთ კომპანიას, ჩვენ არ ვჩერდებით და ვაგრძელებთ სამშენებლო სექტორის მხარდაჭერას, ჩვენს პარტნიორ ბიზნესებთან ერთად საინტერესო პროექტების განხორციელებას“. — განაცხადა გიორგი სახვაძემ, საქართველოს ბანკის კორპორაციული გაყიდვების სექტორის უფროსმა.