უნგრეთის ხელისუფლებამ ევროკავშირის სასამართლოს (CJEU) ბრიუსელის გადაწყვეტილების გასაჩივრებლად მიმართა, რომელიც გაყინული რუსული აქტივების უკრაინის სამხედრო დახმარების დასაფინანსებლად გამოყენებას ითვალისწინებს, — ამის შესახებ Deutsche Welle უნგრულ გამოცემებზე დაყრდნობით ავრცელებს ინფორმაციას.

ბუდაპეშტის მიერ ევროკავშირის საბჭოსა და ევროპის სამშვიდობო ფონდის წინააღმდეგ შეტანილი სარჩელი ივლისში იქნა წარდგენილი, სასამართლომ ის 25 აგვისტოს მიღო განსახილველად და ევროკავშირის ოფიციალურ ჟურნალში გამოქავეყნა.

სარჩელი ეხება 2024 წლის მაისში მიღებულ გადაწყვეტილებას. მაშინ ევროკავშირის ორგანოებმა გადაწყვიტეს გაყინული რუსული აქტივებიდან მიღებული თითქმის მთელი შემოსავალი ევროპის სამშვიდობო ფონდში გადაერიცხათ, საიდანაც ევროკავშირის წევრები უკრაინისთვის გაწეული სამხედრო დახმარების კომპენსაციას იღებენ. ეს მექანიზმი მუდმივ წყაროდ ითვლება და წლიურად 3-5 მილიარდი ევროს უზრუნველყოფას ითვალისწინებს.

უნგრეთის აზრით, ეს გადაწყვეტილება მიღებულ იქნა ხმის მიცემის პროცედურების გარეშე და ბუდაპეშტის ვეტო უგულებელყვეს იმ არგუმენტით, რომ უნგრეთი "შემტანი წევრი ქვეყანა" არ არის.