ობამა, ბუში და კლინტონი ტრამპის გარეშე ერთობიან

ამერიკის ყოფილი პრეზიდენტები, ბარაკ ობამა, ჯორჯ ბუში და ბილ კლინტონი ხუთშაბათს, ნიუ-ჯერსიში გამართულ გოლფის ტურნირზე, საპრეზიდენტო თასი, ერთად გამოცხადდნენ.

დემოკრატებისა და რესპუბლიკელების პრეზიდენტები ერთმანეთთან მეგობრულად საუბრობდნენ და მოქალაქეებთან სელფებს იღებდნენ.

ტურნირზე ელოდნენ დონალდ ტრამპსაც, თუმცა ის ადგილზე არ გამოჩენილა. ამის მიუხედავად, ყოფილმა პრეზიდენტებმა საპრეზიდენტო თასზე კარგი დრო გაატარეს.

ტრამპი 2014 წელს ობამას აკრიტიკებდა, როდესაც მან პრეზიდენტობისას გოლფი ითამაშა. თუმცა, მას შემდეგ რაც თავად დაიკავა თეთრი სახლი, დონალდ ტრამპმა გოლფის კურსებზე 60 დღე გაატარა და თამაშში 24-ჯერ ჩაერთო.

Can you believe that,with all of the problems and difficulties facing the U.S., President Obama spent the day playing golf.Worse than Carter
— Donald J. Trump (@realDonaldTrump) October 14, 2014