ფანტასტიკური ოთხეულის ახალმა ფილმმა Marvel Studios-ს უპრეცედენტო ფინანსური ვარდნის ჯაჭვი გაწყვიტა.

სათავგადასავლო ფილმმა — რომელშიც მთავარ როლებს პედრო პასკალი, ვანესა კირბი, ებონ მოს-ბაქრაქი და ჯოზეფ ქვინი ასრულებენ — შტატების მასშტაბით 118 მილიონი, ხოლო მსოფლიო მასშტაბით 218 მილიონი დოლარი გამოიმუშავა.

როგორც ჩანს, ფანტასტიკური ოთხეული: პირველი ნაბიჯები, სტუდიის პირველი წარმატებული მცდელობა იყო, (პანდემიის შემდეგ) შეექმნა ახალი სუპერგმირული გუნდი, მას შემდეგ, რაც გასულ წლებში ფინანსურად წარუმატებელი ფილმები გამოუშვა, მაგალითად — მაისში გამოსული მეხთამტეხელები, 2023 წელს გამოსული მარველები და 2021 წლის ფილმი მარადიულნი.

ფანტასტიკური ოთხეული: პირველი ნაბიჯები — რომლის გადაღება 200 მილიონ დოლარზე მეტი დაჯდა — სერიოზულ ძალას საჭიროებს, რომ თავიდან აიცილოს მარველის სხვა ბოლოდროინდელი ფილმების ბედი, მაგალითად — თებერვალში გამოსული ფილმის კაპიტანი ამერიკა: ახალი სამყარო (ოთხი დღის განმავლობაში 100 მილიონი დოლარის დებიუტი) და ადამიანი-ჭიანჭველა და კრაზანა: კვანტმანიასი (106 მილიონი დოლარის დებიუტი), რომელმაც კარგი დასაწყისის შემდეგ სალაროებში კრახი განიცადა.

ვნახოთ, როგორ იხსნა ფანტასტიკურმა ოთხეულმა მარველის სამყარო ფინანსური ვარდნისგან.

მაყურებლებს მობეზრდათ ცუდი ფილმები და არა ფილმები სუპერგმირებზე

მიუხედავად იმისა, რომ გასულ წელს დედპულმა და ვულვერინმა სტუდიას მილიარდობით დოლარის მოგება მოუტანა, Marvel-ის წინა ორმა ფილმმა, კაპიტანი ამერიკა: ახალი სამყარო და ჭექა-ქუხილი, სტუდიას ძალიან დიდი ზარალი მიაყენა. ანალიტიკოსები ფიქრობდნენ, რომ ამის მიზეზი "სუპერგმირების ყურებით გამოწვეული დაღლილობა" იყო.

ანალიტიკოსების ვარაუდების მიუხედავად, ფილმმა ფანტასტიკური ოთხეული: პირველი ნაბიჯების შემოსავალმა 100 მილიონ დოლარს მალევე გადააჭარბა. რაც იმაზე მიუთითებს, რომ მაყურებელს სურს კომიქსების მიხედვით გადაღებული სათავგადასავლო ფილმების ყურება იმ შემთხვევაში, თუ ფილმი საინტერესო საყურებელია.

არანაირი საშინაო დავალება

10 წლის განმავლობაში, Marvel-მა მიაღწია საოცარ წარმატებას და 24 ფილმის შემდეგ ერთი ეპიკური დასასრული, შურისმაძიებლები: დასასრული გამოუშვა. მოგვიანებით, მარველის სტუდიამ წელიწადში სამი-ოთხი ფილმის გაშვების პარალელურად დაიწყო ათობით ერთმანეთთან ურთიერთდაკავშირებული სატელევიზიო სერიალების გამოშვება. სერიალები განთქმულია ჩახლართული სიუჟეტებითა და ძალიან ბევრი პერსონაჟით, რომელთა გაგებაც თითქმის შეუძლებელია.

შვების მომგვრელია ის ფაქტი, რომ ფანტასტიკური ოთხეულის ყურებას არ სჭირდებოდა წინასწარი ცოდნა გალაქტუსის, სილვერ სერფერის ან დედამიწა-828-ის მაცხოვრებლების შესახებ.

"ეს არის ფილმი, რომელიც საშინაო დავალების მომზადებას არ მოითხოვს", — განუცხადა ფაიგმა ცოტა ხნის წინ ჟურნალისტებს — "ის, ფაქტობრივად, არც არის დაკავშირებული ჩვენ მიერ ადრე შექმნილ არაფერთან".

ეს ძალიან კარგია, რადგან საშინაო დავალების მომზადება არც არავის უყვარს.

არანაირი კონკურენცია

აღსანიშნავია, რომ ფანტასტიკური ოთხეული: პირველი ნაბიჯები ამ ზაფხულის კინოსეზონის მთავარი ბლოკბასტერია. მიუხედავად იმისა, რომ ჰოლივუდს აგვისტოში რამდენიმე პოტენციური ჰიტი აქვს დაგეგმილი ისეთი ფილმები, როგორებიცაა — ზაკ კრეგერის იარაღები, გიჟური პარასკევი 2 და Paramount-ის შიშველი პისტოლეტი. შესაძლოა ითქვას, რომ მაყურებლისთვის მიმზიდველი თითქმის არაფერია მოსალოდნელი.

კომიქსების ფრონტზე კი, 11-თვიანი პერიოდია დარჩენილი, სანამ DC-ის ადაპტაცია სუპერგოგონა 2026 წლის ივნისში გამოვა, რასაც ივლისში Marvel-ის ადამიანი-ობობა: სრულიად ახალი დღე მოჰყვება.

აქვე შეგახსენებთ, რომ ადამიანი-ობობის გამოსვლამდე, მარველი სამი სერიალის გამოშვებას გეგმავს, მათ შორის — ვაკანდა სამუდამოდ (ანიმაცია), რომელიც 6 აგვისტოს გამოვა; მარველის ზომბები (ანიმაცია), რომელსაც ოქტომბერში ვიხილავთ და ქალი-საოცრება, რომელიც დღის სინათლეს ოქტომბერში, Disney+-ზე, ნახავს.