ევროკავშირი რადიო თავისუფლების მხარდასაჭერად 5.5 მილიონი ევროს (6.2 მილიონი დოლარის) დახმარებას გამოყოფს — ევროკავშირის საგარეო პოლიტიკის ხელმძღვანელის, კაია კალასის ამ განცხადების შესახებ Reuters წერს.

ევროკავშირის ეს დაპირება მარტში ტრამპის ადმინისტრაციის განკარგულებას მოჰყვა აშშ-ის ფედერალური გრანტების გაჩერებასთან დაკავშირებით.

Reuters-ის ინფორმაციით, კრიტიკოსები ადმინისტრაციის ამ ნაბიჯს აფასებენ, როგორც თავისუფალ მედიაზე სერიოზულ დარტყმას.

თავდაპირველად, აშშ-ის საოლქო მოსამართლემ დროებით შეაჩერა ადმინისტრაციის ეს გადაწყვეტილება, თუმცა მაისში ფედერალურმა სააპელაციო სასამართლომ განაჩენი დაბლოკა.

"დეზინფორმაციისა და გაუფილტრავი შინაარსის გავრცელების ეპოქაში, დამოუკიდებელი ჟურნალისტიკა უფრო მნიშვნელოვანი ხდება. ეს გადაწყვეტილება მხარს დაუჭერს რადიო თავისუფლების მნიშვნელოვან მისიას," — განაცხადა კალასმა და რადიო თავისუფლება, როგორც მედიის "დაცვით ბადედ" შეაფასა.