20 აპრილის ღამეს რუსთაველის გამზირზე სამართალდამცავებმა, სავარაუდოდ, აქციის ორი მონაწილე დააკავეს.

ჟურნალისტი ნანუკა ჟორჟოლიანი ფეისბუქზე წერს, რომ რუსთაველის გამზირზე მიმდინარე აქციაზე დაკავებულები გიორგი ორთოიძე და მიხეილ სამხარაძე არიან. სოციალურ ქსელში წერენ, რომ აქციის მონაწილე პოლიციელს "ქრისტე აღდგა"-ს ეძახდა და ამის შემდეგ დააკავეს.

გავრცელებულ კადრებში ჩანს, რომ პოლიცია გადაკეტილი რუსთაველის გამზირის გახსნას ცდილობდა, რა დროსაც სამართალდამცავებმა, სავარაუდოდ, მოქალაქე დააკავეს.