ვენეციის საერთაშორისო კინოფესტივალი დასრულდა. ჟიურიმ, რომელსაც ანეტ ბენინგი ხელმძღვანელობდა, საბოლოო გადაწყვეტილება მიიღო და ოქროს ლომის წლევანდელი ტრიუმფატორები დაასახელა.

მთავარი პრიზი, წლის საუკეთესო ფილმისთვის გილერმო დელ ტორომ მიიღო ნამუშევრისთვის Shape of Water.

რაც შეეხება საუკეთესო რეჟისორს, წელს ეს ტიტული ქსავიე ლეგრანს ერგო, რომელმაც ფილმი Jusqu'à la garde გადაიღო.

რაც შეეხება საუკეთესო ქალ მსახიობის ნომინაციას, დადებითი შეფასებების შემდეგ გასაკვირი არ ყოფილა, რომ ვენეციის კინოფესტივალის ტრიუმფატორი შარლოტა რემპლინგი გახდა, ფილმში Hannah შესრულებული როლისთვის.

კაცებში ეს პრიზი მსახიობ კამელ ელბაშას გადაეცა, ფილმისთვის The Insult.

შეგახსენებთ იმასაც, რომ ვენეციის კინოფესტივალზე საპატიო სტუმრების სტატუსით, ჯეინ ფონდა და რობერტ რედფორდი იმყოფებოდნენ. ფესტივალის ფარგლებში მათი ერთობლივი ფილმის, ნეთფლიქსის ახალი დრამის Our Souls at Night პრემიერა შედგა.