ოსკარის ოთხგზის ნომინანტი მსახიობი ანეტ ბენინგი წელს ვენეციის 74-ე კინოფესტივალის ჟიურის თავმჯდომარე იქნება, რაც იმას ნიშნავს, რომ 11 წლის შემდეგ, ფესტივალს პირველად ეყოლება ქალი თავმჯდომარე.

"მოვიდა დრო წერტილი დავუსვათ ჟიურის კაცი თავმჯდომარეების ტრადიციას და ეს თანამდებობა შევთავაზოთ ბრწყინვალე, ნიჭიერ და შთამაგონებელ ქალს, მსახიობ ანეტ ბენინგს, რომელმაც წლების განმავლობაში საკუთარი კარიერით ევროპული და ამერიკული თეატრის სცენასა თუ კინოეკრანზე თავისი ურყევი ადგილი დაიმკვიდრა", ამბობს ალბერტო ბარბერა.

ვენეციის კინოფესტივალს ქალი ჟიურის თავმჯდომარე ბოლოს 2006 წელს ჰყავდა და ის ფრანგი მსახიობი კატრინ დენევი იყო.

ვენეციის კინოფესტივალი 30 აგვისტოს დაიწყება და 9 სექტემბერს დასრულდება.