რუმინეთის ცენტრისტი პრეზიდენტი, კლაუს იოჰანისი, თანამდებობიდან გადადგა — ეს მას შემდეგ მოხდა, რაც საპარლამენტო ოპოზიციურმა პარტიებმა მისი იმპიჩმენტის საკითხი მესამედ წამოაყენეს.

NATO-სა და ევროკავშირის წევრ, უკრაინის მეზობელ ქვეყანაში ინსტიტუციური კრიზისი 2024 წელს დაიწყო, როცა საპრეზიდენტო არჩევნების პირველ ტურში ულტრამემარჯვენე, ანტიდასავლური განწყობების მქონე კალინ გეორგესკუმ გაიმარჯვა.

მიუხედავად ამისა, რუმინეთის უზენაესმა სასამართლომ პირველი ტურის შედეგები გააუქმა, რის საფუძველიც რუსეთის მხრიდან ჩარევა გახდა — სასამართლოს ცნობით, TikTok პლატფორმაზე რუსეთი გეორგესკუს მხარდამჭერ ათეულობით ათას ანგარიშს აკონტროლებდა და ასე, ონლაინ კამპანიით ცდილობდა მისი რეიტინგის ამაღლებას. თავად იოანისის მეორე საპრეზიდენტო ვადა 2024 წლის 21 დეკემბერს ამოიწურა, თუმცა მაისამდე, როცა ხელახალი არჩევნები უნდა გაიმართოს, ის, სასამართლოს გადაწყვეტილებით, პრეზიდენტის მოვალეობის შემსრულებლად უნდა დარჩენილიყო.

მიუხედავად ამისა, 3-მა მემარჯვენე ოპოზიციურმა პარტიამ, რომლებიც საპარლამენტო მანდატების 35%-ს ფლობენ, იოჰანისის იმპიჩმენტის პროცედურა წამოიწყეს.

"მე ვტოვებ რუმინეთის პრეზიდენტის თანამდებობას, რათა დავიცვა რუმინეთი და რუმინელი მოქალაქეები ამ კრიზისისგან", - განაცხადა იოჰანისმა გადადგომამდე.