შინაგან საქმეთა სამინისტროს ინფორმაციით, ყვარლის მუნიციპალიტეტის სოფელ შილდას მიმდებარედ, ტყის მასივში გაჩენილი ხანძარი ლოკალიზებულია.

უწყების ცნობით, ხანძრის ძირითადი კერები ლოკალიზებულია და მიმდინარეობს სალიკვიდაციო სამუშაოები.

შსს-ს თქმით, ათეულობით მეხანძრე-მაშველი ახორციელებს თელავის მუნიციპალიტეტის სოფელ ართანასთან და მთა-თუშეთში, სოფელ ხახაბოსთან მდებარე ტყის მასივებში გაჩენილი ხანძრის სალიკვიდაციო სამუშაოებს:

"რთული რელიეფის გამო, ორივე ლოკაციაზე, ხანძრის ეფექტური ლოკალიზების მიზნით, ცეცხლის ქრობის პროცესში ჩართულია ავიაცია - საქართველოს ორი და ირანის კუთვნილი ორი ვერტმფრენი."

კახეთში, სოფელ ართანაში, ყვარელში, სოფელ შილდაში, მთა-თუშეთში, სოფელ ხახაბოსთან ხანძარი ორ სექტემბერს გაჩნდა.