"რადიო თავისუფლების ევროპის ბიუროს რედაქტორმა, რიკარდ იოზვიაკმა 19 ნოემბერს სტატია გამოაქვეყნა, სადაც საუბარი საქართველოში ჩატარებულ არჩევნებსა და ქვეყნის ევროინტეგრაციის პერსპექტივაზეა. სტატიის სათაურის კონტექსტი ასეთია — როგორ ქრება საქართველოს ოცნება ევროკავშირზე.

იოზვიაკის სტატიაში რამდენიმე მნიშვნელოვანი და ნიშანდობლივი მესიჯია. მათ შორის ის, რომ მმართველი პარტიის წევრების სანქცირებაზე ევროკავშირში კონსენსუსი არ არსებობს. ის წერს, რომ არა მხოლოდ უნგრეთი და სლოვაკეთი ეწინააღმდეგებიან სანქციებს, არამედ ბულგარეთი და იტალიაც. მისი თქმით, "ვიზალიბერალიზაციის შეჩერებაც განიხილებოდა, მაგრამ ბევრი, მათ შორის გერმანია, მოსახლეობის სამიზნეში ამოღების მომხრე არ არიან", — წერს იოზვიაკი.

რაც შეეხება არჩევნების გაყალბების ფაქტებზე საერთაშორისო გამოძიების ჩატარებას, იოზვიაკი წერს, რომ ცენტრალურ და აღმოსავლეთ ევროპაში შესაძლოა საარჩევნო დარღვევებზე საერთაშორისო გამოძიება მოითხოვონ, მაგრამ დათანხმდება ამას საქართველოს მთავრობა?

"ზოგიერთ წევრ სახელმწიფოში, განსაკუთრებით ცენტრალურ და აღმოსავლეთ ევროპაში, დიდი ალბათობით შესაძლო საარჩევნო დარღვევების რაიმე ფორმით საერთაშორისო გამოძიებას მოითხოვენ. მაგრამ ამასაც თავისი ხაფანგები გააჩნია. პირველ რიგში, დათანხმდება ამას საქართველოს მთავრობა? და გამოვა თუ არა ევროკავშირის გამოძიება რაიმეთი, რაც რადიკალურად განსხვავებული იქნება იმისგან, რაზეც ეუთო უკვე მუშაობს? და, როგორც ერთმა დიპლომატმა მითხრა: არის თუ არა ახლა რეალურად იმის დრო, რომ ზოგადად დავიწყოთ ეუთო/ოდირის საარჩევნო მისიის დასკვნების კითხვის ქვეშ დაყენება? შეთანხმება იყო, რომ ევროკომისიისა და ევროკავშირის საგარეო ქმედებათა სამსახურის დიპლომატებისგან შედგენილი ე.წ. "ტექნიკური მისია" გაგზავნილიყო", – წერს იოზვიაკი.

მისი თქმით, საბოლოო ჯამში, ევროკავშირს უხალისოდ, მაგრამ მოუწევს „ქართული ოცნების” მთავრობასთან ურთიერთობა, რადგან დიდი არჩევანი არ აქვს.

"საბოლოო ჯამში, ევროკავშირს (ალბათ უხალისოდ), მაგრამ მოუწევს „ქართული ოცნების” მთავრობასთან ურთიერთობა. ევროკავშირის ოფიციალური პირების თანახმად, რომლებსაც ვესაუბრე, ნამდვილად არსებობს შეგრძნება, რომ ქართული ოცნება არიან "საცეკვაო მოედანზე", ასე რომ ევროკავშირს რეალურად დიდი არჩევანი არ გააჩნია", — წერს იოზვიაკი.

იოზვიაკი იმასაც წერს, რომ არის ნიშნები, რომ საქართველოს საკითხი უკვე უკანა პლანზეა. მისი თქმით, ევროპარლამენტში ევროკავშირის საგარეო პოლიტიკის სამომავლო ხელმძღვანელის, კაია კალასის სამსაათიან მოსმენაზე საქართველო საერთოდ არ იყო ნახსენები. ევროკავშირის სამომავლო გაფართოების კომისარმა, მარტა კოსმა, ასევე არ ახსენა საქართველო თავისი მოსმენის შესავალ სიტყვაში, მაგრამ საქართველოს საკითხზე ევროპარლამენტის წევრმა დაუსვა კითხვა. კოსმა განაცხადა, რომ საქართველოს ევროკავშირში გაწევრიანების პროცესი, რომელიც შეჩერებულ იქნა, შესაძლოა განახლდეს, თუ მთავრობა ბოლო დროს მიღებულ საკამათო უცხო აგენტების კანონსა და ანტი-LGBT კანონს გააუქმებს.

"საბოლოო ჯამში, ევროკავშირს უხალისოდ, მაგრამ მოუწევს ქართული ოცნების მთავრობასთან ურთიერთობა. ევროკავშირის ოფიციალური პირების თანახმად, რომლებსაც ვესაუბრე, ნამდვილად არსებობს შეგრძნება, რომ ისინი [ქართული ოცნება] არიან საცეკვაო მოედანზე, ასე რომ ევროკავშირს რეალურად დიდი არჩევანი არ გააჩნია;

ევროკავშირის ოფიციალური პირებისთვის პრობლემის ნაწილია ის, რომ უდავო დამადანაშაულებელი მტკიცებულება არ არსებობს, როდესაც საუბარია მასშტაბურ გაყალბებებზე. არსებობს სკეპტიციზმი, რომ მმართველმა პარტიამ 54%-იანი მხარდაჭერა მოიპოვა არჩევნებზე, მაგრამ ეს უჩვეულო პრეტენზია უფროა. (რამე უფრო რეალისტური, ალბათ, 40-სა და 50-ს პროცენტს შორის მხარდაჭერა იქნებოდა)," — წერს იოზვიაკი.

იოზვიაკის თქმით, იმის გათვალისწინებით, რომ ეუთოს არჩევნების სადამკვირვებლო ანგარიშს შეიძლება სამი თვე დასჭირდეს, ბევრი არაფრის გაკეთება შეიძლება, გარდა ლოდინისა.

"საქართველოს ევროკავშირში გაწევრიანება უკვე შეჩერდა, და გაერთიანებასა და თბილისს შორის პოლიტიკური კონტაქტები უკვე დაქვეითდა. სამხედრო დახმარების 30 მილიონი ევრო და მთავრობისადმი პირდაპირი დახმარების 120 მილიონი ევრო გაყინული რჩება", — წერს იოზვიაკი.

სტატია მომზადდა ინტერპრესნიუსის თარგმანზე დაყრდნობით.