"მაისის სტუდენტური მოძრაობის" წევრი, საბა თოდუა NEWS.ON.ge-სთან საუბრისას აცხადებს, რომ მათმა სტუდენტურმა მოძრაობამ საჯაროდ მოითხოვა თსუ-ს რექტორის, ჯაბა სამუშიას და უნივერსიტეტის ადმინისტრაციის გადადგომა, რადგან 19 ნოემბერს, პირველი კორპუსის მიმდებარედ, მშვიდობიანი აქციის დარბევისას, დაირღვა თსუ-ს წესდების ორი მთავარი პუნქტი: პირველი არის თსუ-ს, როგორც საგანმანათლებლო დაწესებულების ავტონომიურობა და მეორე ის, რომ თსუ-ს კარგი ყველა სტუდენტისა და ლექტორისთვის ღიაა.

"პირველი იყო, როცა ამ დილას ძალოვანი უწყების წარმომადგენლებმა გამოიყენეს თსუ-ს ტერიტორია, რომ დაერბიათ აქცია, რომელიც მიმდინარეობდა სრულად მშვიდობიანად და მეორე დარღვევას უკვე გათენების შემდეგ შევხვდით, უნივერსიტეტის სტუდენტები ვეღარ სარგებლობდნენ უნივერსიტეტით, მათ დაუბლოკეს შესაძლებლობა, დასწრებოდნენ თავიანთ ლექცია-სემინარებს. აქედან გამომდინარე ჩვენმა სტუდენტურმა მოძრაობამ განაცხადა საჯაროდ, რომ მოვითხოვთ გადადგეს თსუ-ს რექტორის, ჯაბა სამუშიას და უნივერსიტეტის ადმინისტრაცია, ის პირები, რომლებიც პასუხისმგებლები არიან და წარმოადგენენ ჩვენს უნივერსიტეტს, ჯერჯერობით ჩვენს რექტორს ჯაბა სამუშიას განცხადება არ გაუკეთებია. არ იძლევა ცნობას ჰქონდა თუა არ ცნობას იმაზე, რაც უნდა მომხდარიყო. ორივე შემთხვევაში — იცოდა თუ არა მან ყველაფერი, გამოდის, რომ ის თავის მოვალეობას ვერ ასრულებს," — აცხადებს საბა თოდუა.

19 ნოემბერს თსუ-ს მიმდებარედ მშვიდობიანი აქციის დაშლასთან დაკავშირებით, მაისის სტუდენტურმა მოძრაობამ დღეს მიმართვა გაავრცელა, სადაც ნათქვამია, რომ 19 ნოემბერს თსუ-ს პირველ კორპუსთან განვითარებული მოვლენები სრულიად საკმარისია იმისათვის, რომ რექტორატი და უნივერსიტეტის ადმინისტრაცია გადადგეს!