ბსუ-ს პროფესორის თქმით, ადმინისტრაციამ სალექციო კურსი განსხვავებული პოზიციის გამო გაუუქმა
სხვადასხვა სასწავლო კურსი გაუქმებულ იქნა პროგრამიდან და მათ შორის, ჩემი ორი სასწავლო კურსი ევროკავშირის შესახებ — სანაცვლოდ შექმნეს და დატოვეს ახალი კურსები ევროკავშირის შესახებ, რომელთა სწავლებას გააგრძელებენ ის ადამიანები, რომლებიც მათთვის უფრო მისაღები იქნებიან — ამის შესახებ NEWS.On.ge-სთან პროფესორი, მალხაზ ნაკაშიძე საუბრობს.
პროფესორი მისი სასწავლო კურსების გაუქმებას რუსულ კანონთან და რუსეთ-უკრაინის ომთან დაკავშირებით, მმართველი პარტიისგან განსხვავებულ პოზიციებს უკავშირებს.
"2020 წელს "ჟან მონეს" პროგრამაში, რომელიც პროფესორებისთვის ტარდება, გავიმარჯვე და მოვიპოვე ევროკავშირის დაფინანსება, პროექტი 3 წლიანია და ითვალისწინებს ახალი კურსების შექმნას, საზაფხულო სკოლების გახსნას და უამრავ სხვადასხვა ღონისძიებას. აი ამ პროგრამის ფარგლებში გავაკეთე სამი ახალი კურსი, ერთი — ბაკალავრიატის ნაწილში და ორი მაგისტრატურისთვის. გაუქმებულიდან ერთი არის "ევროკავშირში ადამიანის უფლებების დაცვა" და მეორე "ევროკავშირის კონსტიტუციური სამართალი".
გასულ წელს არ ვიყავი საქართველოში, ისევ ევროკავშირის დაფინანსებით ერთი წლის განმავლობაში ვიყავი იტალიაში და როცა დავბრუნდი ბუნებრივია, მოვითხოვე საგნების დაბრუნება. ერთ-ერთ საგანზე რომელზეც თავიდანვე მითხრეს უარი, მიზეზით, რომ ეს საგანი იყო არჩევით და ჯერ სტუდენტებს არ ჰქონდა არჩეული. ბოლოს აღმოჩნდა, რომ არჩეული ჰქონდათ და ლექციებს სხვა ლექტორი კითხულობდა.
მეორე საგანი დამიბრუნეს, ვკითხულობდი დაახლოებით სამი კვირა და აღმოვაჩინე, რომ შემდეგ აღარ იყო პროგრამაში. ძალიან ბუნდოვნად მოხდა ამ საგნის გაუქმება, ადმინისტრაციაში მპასუხობდნენ, რომ მიზეზი არ იცოდნენ და ბოლოს აღმოჩნდა, რომ ყველაფერი იცოდნენ და აკადემიურმა საბჭომ მიიღო გადაწყვეტილება კურსის გაუქმების შესახებ.
სანაცვლოდ შექმნეს და დატოვეს ახალი კურსები ევროკავშირის შესახებ, რომელთა სწავლებას გააგრძელებენ ის ადამიანები, რომლებიც მათთვის უფრო მისაღები იქნებიან.". — თქვა ნაკაშიძემ, NEWS.On.ge-სთან საუბრისას.
ნაკაშიძის თქმით უნივერსიტეტის მხრიდან ეს არ იყო პირველი შემთხვევა როდესაც უნივერსიტეტი მას ხელს უშლიდა.
"თავიდანვე იყო ამის შესახებ პრობლემები ადმინისტრაციის მხრიდან, არ უნდათ პროგრამაში შეტანა და სხვადასხვა მიზეზს იგონებდნენ. ერთ-ერთი ხელის შეშლა იყო უნივერსიტეტის პრესსამსახური უნივერსიტეტის კუთვნილ სოციალურ ქსელებში აქტივობების გავრცელებას მიზღუდავდა." — თქვა ნაკაშიძემ.
NEWS.On.ge საკითხის გასარკვევად უნივერსიტეტის პრესსამსახურს დაუკავშირდა, მან დამატებით კომენტარზე უარი გვითხრა და გვთხოვა, Facebook-ზე გავრცელებული განცხადებით გვეხელმძღვანელა.
"არ შეესაბამება სინამდვილეს მალხაზ ნაკაშიძის განცხადება იმის შესახებ, რომ ,,საჯარო მმართველობის“ საბაკალავრო პროგრამა თითქოს არ ითვალისწინებს (თითქოს გაუქმებულია) ევროკავშირის შესახებ სასწავლო კურსები. ბსუ-ს ,,საჯარო მმართველობის“ განახლებული, დარგობრივ მახასიათებელთან შესაბამისობაში მოსული, 3-წლიანი საგანმანათლებლო პროგრამის სასწავლო გეგმაში გათვალისწინებულია შემდეგი სასწავლო კურსები: 1. ევროკავშირის პოლიტიკა და მართვა; 2. ევროკავშირი და საქართველოს ევროპული ინტეგრაცია.
და ბოლოს, გვსურს ხაზი გავუსვათ იმ ფაქტობრივ გარემოებას, რომ ბათუმის შოთა რუსთაველის სახელმწიფო უნივერსიტეტში ,"ევროკავშირის სამართლის" და
"ევროინტეგრაციის ისტორიის" სწავლებას საკმაოდ დიდი ხნის ისტორია აქვს, ჯერ კიდევ 2002 წელს, ბსუ-ს ზოგიერთ საგანმანათლებლო პროგრამაზე მაღალი აკადემიური კვალიფიკაციის ლექტორების მიერ იკითხებოდა როგორც ევროკავშირის სამართალი, ისე ევროპის სამართალი და ევროპული ინტეგრაცია. ბსუ-ს ჟან მონეს კათედრის ფარგლებში შემუშავებული სასწავლო კურსები "ადამიანის უფლებების დაცვა ევროკავშირში" და "ევროკავშირის კონსტიტუციური სამართალი" ამჟამად გათვალისწინებულია ბსუ-ს "საერთაშორისო ურთიერთობების“, "ევროპისმცოდნეობის" და "სამართალმცოდნეობის" საბაკალავრო საგანმანათლებლო პროგრამებში, ძირითად და არჩევით სასწავლო კურსებად. ამჯერად, არაფერს ვამბობთ ბსუ-ში ყოველწლიურად მიმდინარე სხვა ათობით პროგრამაზე და პროექტზე, რომელიც ევროკავშირის მხარდაჭერით წარმატებით ხორციელდება და არც იმაზე, რომ საერთაშორისო პროგრამების მიხედვით ბსუ ლიდერი საგანმანათლებლო დაწესებულებაა საქართველოს უმაღლეს საგანმანათლებლო სივრცეში, რაც უნივერსიტეტის თითოეული თანამშრომელის მუხლჩაუხრელი შრომის შედეგია.
ამდენად, პროფესორ მალხაზ ნაკაშიძის მცდელობა დააკნინოს ბათუმის შოთა რუსთაველის სახელმწიფო უნივერსიტეტის თანამშრომელთა როლი ევროპული ღირებულებების სწავლებაში, არსებითად უსაფუძვლო და უადგილოა." — ნათქვამია განცხადებაში.
-
გადახედვაბიძინა ივანიშვილისა და ეკატერინე ხვედელიძის ქონების ნუსხა "პოლიტმრიცხველის" მიხედვით ბიძინა ივანიშვილისა და ეკატერინე ხვედელიძის ქონების ნუსხა "პოლიტმრიცხველის" მიხედვით
-
გადახედვასამადაშვილის თქმით, ისრაელის კომისიაში "ქართული ოცნების" წარმომადგენლები არჩევნების ჩასატარებლად გამოცხადებას არ აპირებენ სამადაშვილის თქმით, ისრაელის კომისიაში "ქართული ოცნების" წარმომადგენლები არჩევნების ჩასატარებლად გამოცხადებას არ აპირებენ
-
-
გადახედვაარქეოლოგებმა 8 000 წლის წინანდელი სახლი აღმოაჩინეს არქეოლოგებმა 8 000 წლის წინანდელი სახლი აღმოაჩინეს
-
გადახედვამედიაომბუდსმენი: მედიასაშუალებები ვერ ახერხებენ ხელისუფლების მაკონტროლებელი როლის შესრულებას ხელოვნური ბარიერებისა და არასათანადო პირობების გამო მედიაომბუდსმენი: მედიასაშუალებები ვერ ახერხებენ ხელისუფლების მაკონტროლებელი როლის შესრულებას ხელოვნური ბარიერებისა და არასათანადო პირობების გამო
-
გადახედვალევან გაჩეჩილაძე, გიორგი გიგინეიშვილი, ლევან გიგინეიშვილი, ირაკლი იაშვილი, ზაზა ნიშნიანიძე და ირაკლი რუხაძე აშშ-ის პრეზიდენტ ჯოზეფ ბაიდენს ღია წერილით მიმართავენ ლევან გაჩეჩილაძე, გიორგი გიგინეიშვილი, ლევან გიგინეიშვილი, ირაკლი იაშვილი, ზაზა ნიშნიანიძე და ირაკლი რუხაძე აშშ-ის პრეზიდენტ ჯოზეფ ბაიდენს ღია წერილით მიმართავენ
-
გადახედვანახეთ: ახალმა კორონოგრაფმა დედამიწის ორბიტიდან მზის ამოფრქვევა გადაიღო ნახეთ: ახალმა კორონოგრაფმა დედამიწის ორბიტიდან მზის ამოფრქვევა გადაიღო
-
გადახედვაპესკოვი რუსეთის ჩარევას საქართველოსა და მოლდოვის არჩევნებში გამორიცხავს და ხედავს დასავლეთის მხრიდან უპრეცედენტო ჩარევის მცდელობებს პესკოვი რუსეთის ჩარევას საქართველოსა და მოლდოვის არჩევნებში გამორიცხავს და ხედავს დასავლეთის მხრიდან უპრეცედენტო ჩარევის მცდელობებს
-
გადახედვაჯგუფი "დაიტოვე" ამომრჩეველთა ტრანსპორტირებაზე ზრუნავს ჯგუფი "დაიტოვე" ამომრჩეველთა ტრანსპორტირებაზე ზრუნავს
-
გადახედვარიკარდ იოზვიაკი: თუ არჩევნები გაყალბდება, EU-ში არსებობს კვალიფიციური უმრავლესობა უვიზოს შეჩერებაზე რიკარდ იოზვიაკი: თუ არჩევნები გაყალბდება, EU-ში არსებობს კვალიფიციური უმრავლესობა უვიზოს შეჩერებაზე
-
გადახედვაკროსვორდი: დაასრულე ქართული საარჩევნო ლოზუნგი კროსვორდი: დაასრულე ქართული საარჩევნო ლოზუნგი
-
გადახედვა"ჩემი ხმა": წინასაარჩევნოდ ხელისუფლების სამივე შტო მმართველი პარტიის ინტერესების შესაბამისად მოქმედებდა "ჩემი ხმა": წინასაარჩევნოდ ხელისუფლების სამივე შტო მმართველი პარტიის ინტერესების შესაბამისად მოქმედებდა
-
გადახედვაბსუ-ს პროფესორის თქმით, ადმინისტრაციამ სალექციო კურსი განსხვავებული პოზიციის გამო გაუუქმა ბსუ-ს პროფესორის თქმით, ადმინისტრაციამ სალექციო კურსი განსხვავებული პოზიციის გამო გაუუქმა
-
გადახედვაJobs.ge-ზე ტელეკომპანია "იმედის" ვაკანსიები აღარ გამოქვეყნდება Jobs.ge-ზე ტელეკომპანია "იმედის" ვაკანსიები აღარ გამოქვეყნდება
-
გადახედვაპუტინის თქმით, რუსეთი არ აპირებს უკრაინის ომთან დაკავშირებით რაიმე დათმობაზე წასვლას პუტინის თქმით, რუსეთი არ აპირებს უკრაინის ომთან დაკავშირებით რაიმე დათმობაზე წასვლას
-
გადახედვაპარლამენტის, ცესკო-ს, საელჩოების, საპატრიარქოს, მთავრობისა და სხვა უწყებების შენობების პიკეტირება პატიმრობით დაისჯება პარლამენტის, ცესკო-ს, საელჩოების, საპატრიარქოს, მთავრობისა და სხვა უწყებების შენობების პიკეტირება პატიმრობით დაისჯება
-
-
გადახედვარომელ საათზე იხსნება სარჩევნო უბნები, როდის იხურება და არჩევნებთან დაკავშირებული სხვა დეტალები რომელ საათზე იხსნება სარჩევნო უბნები, როდის იხურება და არჩევნებთან დაკავშირებული სხვა დეტალები
-
გადახედვაროგორ ეხმაურება მსოფლიო მედია საქართველოს არჩევნებს როგორ ეხმაურება მსოფლიო მედია საქართველოს არჩევნებს
-
-
გადახედვასაარჩევნო უბანი ჩვეულებრივ რეჟიმში იფუნქციონირებს —ცესკო ისრაელში მყოფი ქართველ ემიგრანტებს ეხმაურება საარჩევნო უბანი ჩვეულებრივ რეჟიმში იფუნქციონირებს —ცესკო ისრაელში მყოფი ქართველ ემიგრანტებს ეხმაურება
კომენტარები