შინაგან საქმეთა სამინისტრომ პარლამენტში დნმ-ის ბაზის შესახებ კანონპროექტი დააინიციირა, რომლის მიზანია დნმ-ის მონაცემთა ბაზის შექმნისთვის საჭირო საკანონმდებლო რეგულაციის შექმნა.

კანონპროექტის განმარტებით ბარათში ვკითხულობთ, რომ ის მიზნად ისახავს დანაშაულის გახსნასა და გამოძიების ეფექტიანობის გაზრდას.

მონაცემთა ბაზის, დნმ ნიმუშის პროფილირებითა და განმარტებითი ბარათის მიხედვით, დამნაშავეთა იდენტიფიკაცია გამარტივდება. საჭიროებას წარმოადგენს დანაშაულის ადგილზე მოპოვებული სისხლის, თმის ან სხვა ნიმუშებით პროფილის შექმნა და შემდგომ ბაზაში არსებულ მონაცემებთან შედარება. დნმ-ბაზა სარგებლიანი იქნება დაკარგულ პირთან იდენტიფიკაციის მიზნითაც.

კანონპროექტში წერია, რომ მონაცემთა ბაზის შემოღება საერთაშორისო თანამშრომლობის შესაძლებლობასაც ქმნის. მიდი დახმარებით შესაძლებელი იქნება ბაზაში დაცული გენეტიკური პროფილების ქვეყნებს შორის გაცვლაც.

2007 წლის ევროპის საბჭოს კონვენცია — სექსუალური ექსპლუატაციისა და სექსუალური ძალადობისგან ბავშვთა დაცვის შესახებ, რომელიც 2025 წლის 1-ელ იანვარს შევიდა ძალაში, დნმ-ის მონაცემთა შენახვის ვალდებულებას განსაზღვრავს.

„წარმოდგენილი კანონის პროექტით განისაზღვრება ბიოლოგიური ნიმუშის პროფილირებას დაქვემდებარებული პირები, კერძოდ, სავალდებულო იქნება ბრალდებულ/მსჯავრდადებულ პირთა ბიოლოგიური ნიმუშის პროფილირება დნმ-ის მონაცემთა ბაზაში რეგისტრაციის მიზნით.

ამასთან, დნმ-ის მონაცემთა ბაზაში აისახება საქართველოს კანონმდებლობით დადგენილი წესით, სისხლის სამართლის საქმის გამოძიების ეტაპზე ფიზიკური პირისგან, გვამისგან, შემთხვევის ადგილიდან ან სხვა მატერიალური საგნიდან განსაზღვრული გენეტიკური პროფილები.

გარდა ამისა, დასაშვები იქნება ნებისმიერი პირის გენეტიკური პროფილის მისივე თანხმობით დნმ-ის მონაცემთა ბაზაში რეგისტრაცია“, – ნათქვამია კანონპროექტში.

ჯანდაცვის კომიტეტმა უკვე მხარი დაუჭირა პროექტს, ხოლო იურიდიული კომიტეტი პირველი მოსმენით 12 სექტემბერს განიხილავს.