რუსი სტენდაპ-კომიკოსი დმიტრი გავრილოვი, Youtube-ზე გავრცელებული ვიდეოჩანაწერის გამო დააკავეს, სადაც რუსებზე ხუმრობს. ამის გამო, ნიჟნი ნოვგოროდის სასამართლომ 13 დღიანი ადმინისტრაციული პატიმრობა შეუფარდა.

მედიაზონა-ს ინფორმაციით, გავრილოვი ვიდეოში ხუმრობს რუსებზე, რუსეთიდან მობილიზაციის გამო წამოსულ ემიგრანტებზე და მისი თანამოქალაქეების დამოკიდებულებებზე საქართველოში. ვიდეო, სავარაუდოდ, თბილისში არის გადაღებული.

ამის შემდეგ, Telegram-ში, პოლიციის განყოფილებაში გადაღებული ვიდეო გავრცელდა, სადაც გავრილოვი "რუსი სამხედროს დისკრიმინაციისა და რუსი ხალხის შეურაცხყოფისთვის" ბოდიშს იხდის.

სტენდაპ-კომიკოსი THT-ის StandUp და სხვა სატელევიზიო შოუებში მონაწილეობს.

მან 2022წლის რუსეთის მობილიზაციის შემდეგ ქვეყანა დატოვა და საქართველოში დასახლდა.

მას, ნიჟნი ნოვგოროდის DKRT-ის საკონცერტო დარბაზში 8 ოქტომბერს ჰქონდა ჩანიშნული გამოსვლა.