მას შემდეგ, რაც გამარჯვებული ოლიმპიელები პლატფორმაზე დადგებიან, მედლებს მიიღებენ და საზეიმო გარემოში ოქროს მედლის მფლობელის ეროვნული ჰიმნი გაჟღერდება, ისინი სცენას ტოვებენ და ფოტოგრაფთა არმიას ხვდებიან. ამ მოციმციმე შუქების წინ ბევრი გამარჯვებული მედლის კბილით მოსინჯვას იწყებს.

ეს ისე ხშირად ხდება, რომ 2020 წლის ოლიმპიურ თამაშებზე ტოკიოს ოლიმპიადის ორგანიზატორები ტვიტერზეც ხუმრობდნენ: "ჩვენ უბრალოდ გვინდა ოფიციალურად დავადასტუროთ, რომ ტოკიოს 2020 წლის მედლები არ წარმოადგენს საკვებს!"

ტომას ჩეკონი, იტალიელი მოცურავე

ფოტო: Getty Images

"ჩვენ ვიცით, რომ ნამდვილი ოქროსგან მხოლოდ 1912 წლის ოქროს მედლები იყო დამზადებული და რომ ყველა შემდგომ ოლიმპიადაზე ოქროს მედლები ვერცხლისგან მზადდებოდა, რომლებიც უბრალოდ მოოქროვილი იყო..." — განმარტავს ტონი ბიკერკი, საერთაშორისო საზოგადოების გენერალური მდივანი.

სიმონ ბაილსი, ამერიკელი ტანმოვარჯიშე

ფოტო: Getty Images

აილინ გუ, ჩინელი მოთხილამურე

ფოტო: Getty Images

ის ჟესტი, რომელსაც ოლიმპიელები იყენებენ, სწორედ ამ ფაქტთანაა დაკავშირებული. მისი მიზანი ძვირფასი მეტალის ნამდვილობის შემოწმებაა. კბილით მოსინჯვის შემდეგ, თუკი მედალზე ჩაღრმავება გაჩნდება, ნიშნავს, რომ მედალი ოქროსია, ხოლო თუ მედალი სუფთა ოქრო არაა, შეიძლება სპორტსმენის კბილიც კი დააზიანოს.

ლონდონის 1948 წლის ოლიმპიადის გმირმა, ჰოლანდიელმა სპორტსმენმა ფანი ბლანკერს-კოენმა ერთხელ აღნიშნა, რომ მოპოვებული ოთხი ოლიმპიური ოქროს ხელახალი მოპირკეთება და მოოქროება წლების განმავლობაში ორჯერ მოუწია. ბლანკერს-კოენი 30 წლის ორი შვილის დედა იყო, რომელმაც ქალთა შორის რბენის ოთხივე დისციპლინა მოიგო და დაამტკიცა, რომ ქალები შეიძლება ისეთივე სპორტსმენები იყვნენ, როგორიც მამაკაცები.

ფოტო: The Telegraph

ოქროს მედლის კბილით მოსინჯვა იმაზე მეტად სიმბოლური ჟესტია, ვიდრე უბრალოდ გამარჯვების ერთგვარი გამოხატვა, სპორტსმენები კი ამ ტრადიციას დღემდე მისდევენ.

უსაინ ბოლტი, იამაიკელი სპრინტერი

ფოტო: Getty Images